Murad Köhnəqala - Markes qəlyan çəkməyi Anardan öyrənibmiş

23.01.13

Bir dəfə məşhur Kolumbiya yazıçısı Markesə sual vermişdilər ki, dünyada hansı yazıçıdan qorxursan, yəni özündən üstün bildiyin bir yazıçı varmı? Markes heç düşünmədən Azərbaycan Xalq Yazıçısı Anar Rzayevin adını çəkmişdi. Məşhur yazıçı dünyada məşhurlaşmaq üçün Anar Rzayev şöhrətinin arxasında gizlənərək öz məkrli siyasətini həyata keçirtmişdi. Markes bizim doğma, milli yazıçımızın adını çəkəndə onda Anar Rzayevin beşcildliyi çapa hazırlanırdı. Kolumbiyalı yazıçısının hələ Biləcəridən bu tərəfdə tanınmadığı dövrlərdə Xalq Yazıçısı ordeni ilə təltif edilmiş Anar Rzayev artıq Biləcəridən bu tərəfdə, yəni hərbi çağırış məntəqəsində çox yaxşı tanınırdı. Lakin getdikcə öz üzərində işləyərək püxtələşən yazıçımız qəsəbənin o tərəfində də tanınmağa başladı. Kolumbiya yazıçısı boynuna almışdı ki, indiyə qədər də bizim milli, öz soykökünə, adət-ənənəsinə bağlı yazıçımız olan Anar Rzayevi yamsılayaraq ona oxşamağa çalışır. Əcnəbi yazıçı adı çəkilən müsahibəsində dönə-dönə boynuna alır ki, Anar Rzayevin qəlyanlı bir şəklini görmüş və heç tərəddüd eləmədən dərhal o da qəlyana keçmişdi. Günlərin bir günü Xalq Yazıçısı özünə yeni bığ qoymaq qərarına gəldi. Milli yazıçımızın bığlı şəkilləri mətbuatda yayımlanan kimi Markes yenə də dərhal Kolumbiyada özünə bığ qoymuşdu. Beləliklə, bizim doğma və milli, öz soykökünə bağlı, təpədən dırnağa yazıçı olan Anar Rzayevin adını dilinə gətirdikdən sonra bu əcnəbi yazıçı parlayaraq dünyada məşhurlaşdı.

 

Artıq 25 ildi ki, bu nəhəng yazıçımız, hörmətli Anar Rzayev Yazıçılar Birliyinə rəhbərlik eləyir. Hamı bilir ki, Anar Rzayev Birliyin sədrliyindən çıxsa orda heç kim sədrlik edə bilməyəcək və dərhal dünya dağılacaq. Məlumdur ki, Anar Rzayevin Birlik sədrliyindən getməsi xalqımızın faciəsi ilə nəticələnər. Qocaman yazıçı öz kreslosundan aralanarsa dərhal təbii fəlakətlər baş alıb gedər və ölkəmiz böyük faciələrlə üz-üzə, burun-buruna dayanar.

 

Vəzifədən getmək o yana, ədib, sadəcə, bu fikri başından keçirərsə  o dəqiqə göy guruldayıb şimşək çaxar, dayanmadan qırx gün, qırx gecə leysan yağışları yağar. Güclü qasırğalar ağacları kökündən çıxarıb göylərə qaldırar. Xəzər dənizinin suyu günbəgün artaraq hamam vannası kimi dolub öz sahillərindən daşar və  əvvəlcə Bakını, sonra bütün Azərbaycanımızı basar.

 

Quşlar qonmağa yer tapmadığına görə yad ölkələrə köçər. Ölkədəki bütün müəssisələr bağlanar və insanlar su içində işsizlikdən əziyyət çəkər. Evlər öz sakinlərinin başlarına uçar və hamının başı yarılar. Yurdumuzun hər tərəfində torpaq sürüşmələri olar və aclıqdan vətəndaşlarımız bir-birinin ətini yeyər.

 

Gözlənilən fəlakətlərə baxmayaraq yurdumuzun bəzi satqın gəncləri dayanmadan Anar Rzayevin Yazıçılar Birliyindən getməsini arzulayır. Bunlar başa düşmək istəmir ki, bir kreslodan ötəri ölkəni məhvə sürükləmək olmaz. Həmin gənclərə dəfələrlə demişik, başa salmışıq, yazmışıq, pozmuşuq, cızmışıq, yenə xeyri olmayıb. Onlar öz mənfur niyyətlərindən heç cür əl çəkmək istəmirlər. Yadınızdadırsa, axırda qocaman yazıçı məcburən qələmə sarılaraq həmin gənclərə daşlama janrında bir silsilə şeir həsr etməli olmuşdu. Şeirlərin rəvanlığı, axıcılığı, öz milli soy kökünə bağlılığı adamı valeh edirdi. Müəllif gəncləri şeirinin kəskin misralarıyla daşqalaq eləyirdi. Onun sədrlikdən getməsini arzulayan hər bir gənc ədibin nifrət dolu ilhamına tuş gəlir və al-qan içində misra nizələrinin, şeir daşqalağının altında qalırdılar.

 

Silsiləyə daxil olan hər bir şeirin öz məna yükü, bədii təfəkkürün qabarması və çəkilməsi insanı riqqətə gətirir. Öz qələmini süngüyə çevirərək nərə çəkibən gənclərin qarşısına tək çıxan qocaman ədib hələ də onlara qarşı amansız mübarizə aparır. Daşqalaq altında bağıra-bağıra qalan gənclərin səsi buz bulaqların, su krantlarının, maşınların, oxuyan quşların və böcəklərin səsinə qarışaraq qəlboxşayan musiqi yaradır. Daşlamanın kənardan atılan öldürücü misralar gənclərə dəydikcə müəllifin qəlbi ehtizaza gəlir və getdikcə gəncləşməyə başlayır. Müəllif silsilənin axırında hər bir həssas oxucusuna söz verir ki, gənclərin bir daha nəfəsi gələrsə növbəti daşlamalar daha kəskin və daha öldürücü olacaqdır. /kulis.az/         

Yenililklər
29.11.22
Beynəlxalq Türk Mədəniyyəti və İrsi Fondu iki mədəniyyət paytaxtını bir araya gətirir
29.11.22
"II Sumqayıt Kitab Sərgisi keçiriləcək"
23.11.22
Günay Əfəndiyeva Daşkənddə Maqsud Şeyxzadənin heykəlini ziyarət edib
22.11.22
İntiqam Yaşar Tunisdə Beynəlxalq Poeziya Festivalında ölkəmizi təmsil edəcək
22.11.22
“Hayrettin Hoca” monoqrafiyası  nəşr edilib.
18.11.22
Kürdəmirdə Aşıq Şakirin 100 illik yubileyi keçirildi
17.11.22
Ədəbiyyat İnstitutunda “525-ci qəzet”in 30 illik yubileyinə həsr olunmuştədbir keçirilib
15.11.22
Beynəlxalq Türk Mədəniyyəti və İrsi Fondu Səmərqənd Zirvəsi çərçivəsində beynəlxalq simpozium keçirib
14.11.22
Günay Əfəndiyeva: “Gələcək genişmiqyaslı layihələrin həyata keçirilməsi üçün həvəslə və böyük səylə fəaliyyətimizi davam etdirməkdəyik”.
13.11.22
Dr. Yusuf Gedikli - Dillerin Şifresi - Dillerin Kökeni ve Türeyişi
10.11.22
“II ANAİB Gəncə Kitab Sərgisi” keçiriləcək
10.11.22
Tıxaclarda qalıbdı şad xəbərlər… - YENİ İMZA - Səbuhidən şeirlər
03.11.22
“Qarabağ zəfəri Güney və Quzey Azərbaycan yazarlarının gözü ilə” kitabı çap olunub
03.11.22
Azad Qaradərəli - Xalq şairinin ölümü
31.10.22
Beynəlxalq Türk Mədəniyyəti və İrsi Fondunda “Litva Karaimləri” adlı konfrans keçirilib
27.10.22
“Hüseyn Cavid romantizmi rənglərin işığında” adlı kitab çap olunub.
25.10.22
Tanınmış nəşriyyatların redaktorları bir arada
25.10.22
Vüqar Əhməd Türkiyədə konfransda iştirak edib
25.10.22
Azad Qaradərəli - Zori Balayanın azərbaycanlı vəkilləri yaxud ayı kimin əmisi oğludur?
21.10.22
Görkəmli ədəbiyyatşünas alimlərin anım günü qeyd olunub
19.10.22
Beynəlxalq Türk Mədəniyyəti və İrsi Fondu fəaliyyətini Avropada genişləndirməyə davam edir
17.10.22
“Ustad” dərgisinin 39-cu sayı Hüseyn Cavidə həsr edildi
12.10.22
Türk Dünyası Naşrilər Birliyi yaradıldı
09.10.22
Azad Qaradərəli - Yoxdan var və vardan yox olmağın poetik izləri
07.10.22
Beynəlxalq Türk Mədəniyyəti və İrsi Fondu VIII Beynəlxalq Kitab Sərgisi çərçivəsində yeni nəşrini təqdim edib
06.10.22
Ədəbiyyat İnstitutunda dərsliklərin müzakirəsi keçirilib
04.10.22
Beynəlxalq Türk Mədəniyyəti və İrsi Fondu Nizami Gəncəvinin yeni kitabını nəşr edib
28.09.22
Bölgələrdə kitab sərgisi təşkil olunacaq
28.09.22
Macar şairi Mikloş Radnotinin yaradıcılığına həsr olunmuş musiqili gecə keçirilib
26.09.22
Günay Əfəndiyeva Polşada bir sıra görüşlər keçirib
26.09.22
Şəmsəddin Şəmsinin “Dəh Mürğ” poemasının əlyazma nüsxələri əldə olunub
26.09.22
Azərbaycan Yazıçılar Birliyinin qurultayı təxirə salınıb
26.09.22
Günəş topla mənim üçün... - Etimad Başkeçidin yeni hekayəsi
23.09.22
“Şuşaya salam” Beynəlxalq Poeziya layihəsinin təqdimat mərasimi keçirilib
23.09.22
Polşada keçirilən VI Beynəlxalq Türkologiya Konqresində Azərbaycan təmsilçiləri fəal iştirak edib
22.09.22
Polşada Beynalxalq Türkologiya Kongresi çərçivəsində Azərbaycan musiqi gecəsi keçirilib
22.09.22
ANAİB-dən Ermənistanın son təxribatı ilə bağlı bəyanat
21.09.22
Ədəbiyyat İnstitutunda Dövlətşah Səmərqəndinin “Təzkirətüş-şüəra” kitabını təqdim edilib
21.09.22
Polşada VI Beynəlxalq Türkologiya Konqresi başlayıb
14.09.22
“Metafizika” jurnalının növbəti sayı (2022/3) işıq üzü görüb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.