Lap təzədən…

Gözünü yumub açasan,

 Əllərinə bir əl düşə.

 Yaşın da o yaş olmaya,

 10-15 il əvvəl düşə.

Qayıdasan, axır yolun

 Yollarının başı ola.

 Göxlərindən axab yaş da

 Ömrün-günün qışı ola.

Ağladıqca, ağladıqca,

 Durulasan, durulasan.

 Sevməmiş qız ürəyinlə

 Lap təzədən vurulasan.

 Laaap təzədən vurulasan.

Külək əsir pəncərəmdə,

Ağacların kölgə-kölgə

ruhu gəzir pəncərəmdə,

qorxu gəzir pəncərəmdə...

Pəncərəmdən çöl görünür,

Uzun,arıq yol  görünür.

Bu çöllərin adamı yox,

Ümid hanı, o damı yox?!

Xatirələr dul görünür.

Ömrü il-il ötürürəm,

Səhər gəlir, axşam düşür.

Tanrı yandırır şamını,

Göy üzündən ay şam düşür.

Ay şam düşür ürəyimə,

Ürək ala qaranlıqdı.

Səndən nə ömür qalıbsa,

Sənsiz üzü o yanlıqdı.

Pəncərəmin çölü sənsiz,

Pəncərəmin içi sənsiz.

Bilsən necə darıxıram,

Bilsən, sənin üçün, sənsiz...

Avanqard.net