“Məhkumlar “ serialının ssenari müəllifi ilə müsahibə

Vüsal Nuru üçün qadın kimdir?

Mənim üçün insanlar içərisində qadın məfhumu ən böyük və ən müqəddəs varlıqdır. Belə bir aforizm var : ”Bəşəriyyət qadınlardan və övladlardan ibarətdir”.Yəni qadınlar yeganə varlıqdır ki, doğub törədir. Tanrı artma, törəmə xoşbəxtliyini, mükafatını funksiyasını təkcə qadına verib. Biz də anamızın bətnində yaşamışıq, sonra bu dünyaya gəlmişik, onun canından ayrılıb yenə də onun canı olmuşuq. Qadın mənə görə tanrı qədər müqəddəsdir. Bəlkə elə tanrı özü də qadındır kim bilir?! Bəlkə kişilər öz kişi təxəyyülü ilə belə fikirləşir ki, biz kişiyik, deməli tanrı da kişidir. Qadınlar ağıl, kişilər isə fiziki gücü ilə güclüdürlər. Qadın kişidən qat-qat ağıllıdır. Kişilər qadın qarşısında çox acizdirlər, körpədirlər. Belə bir deyim var deyirlər ki, dünyanın bütün alimləri yığışdılar bir qadını kəşf edə bilmədilər. Edə bilməyəcəklər də. Dünyada elə mütəfəkkiri, elə elə qail adam yoxdur ki, o bir qadına aldanmış olmasın, Mənim “999” romanımda belə söz yazmışam: “Qadının möhtəşəmliyi bundadı. Qadının cazibə qüvvəsi yerin cazibə qüvəssindən iki dəfə çoxdur”

Bu dediklərinizi bütün qadınlara aid edirsiniz?

Qadınlarda müxtəlif cürdür. Təbəqələrə bölünür. Mən qadın deyəndə nümunəvi qadınları, qadın və ana adına laiq olanları nəzərdə tuturam. Amma qadın adına “LƏKƏ” olanlarda var. Bu gün doğub səhər övladını küçəyə atanlarda var. O ana deyil. Onun küçədəki heyvandan heç bir fərqi yoxdur. Dünyada bir qadın adı var, bir ana adı var… O anadan, o qadından söhbət gedir. Biz onun qarşısında səcdədə olmalıyıq. Yəni Qadın Tanrısı qarşısında….

Bəzən belə deyirlər: “kişi gedib gəzər gələr” – amma qadın hər zaman evində oturmalı kişiyə sadiq olmalıdır. Kişi xəyanət edə bilər bu bağışlanılan haldır, amma qadın əsla …Buna münasibətiniz necədir?

Bu fikirlər xəstə düşüncəli insanlara aiddir. Mən qəti bu fikirlərlə razılaşmıram. Kişi olanda nə olsun ki?! Ancaq bunu deyim ki,biz öz gülümüzü heç kimlə paylaşa bilmərik. Bu da yenə də qadınımıza verdiyimiz dəyəri, hörmətimizi, ona olan məhkumluğumuzu göstərir. Çünki biz türkük , avropalı deyilik ki…

Qadına bu cür dəyər verən Vüsal Nuru “Məhkumlar “ serialında tamaşaçıya nəyi aşılamaq, hansı mesajı yollamaq istəyir?

“Məhkumlar”da qabartdığım məsələlər qadının müqəddəsliyini ortaya çıxartmaqdan ibarətdir. Qadını əxlaqsız kimi ortaya qoymağı mən xoşlamıram. Onu hamı bacarır. Qadın o, deyil.O müqəddəsdir və qadın da anlamalıdır ki, o əsl qadındır, kiminsə artığı deyil. Özünə qiymət vermək üçün isə o, əsl qadınlığını hiss etməlidir. Qadın bilməlidir ki, o kişinin başının tacı, müqəddəsi, onun tanriçası olmalıdır. Məhkumlar serialında qadın zorakılığından, qadınların hüquqlarının əlindən alınmasından və s. problemlərdən danışırıq,ancaq onların təbii ki, həlli yolları da növbəti bölümlərdə aşkarlanacaq.

P.S Qadınlara çox yüksək (əslində laiq olduqları) dəyər verən yazıçı Vüsal Nurun müsahibəsini sizlərə təqdim etdik. İnanın mən birinci dəfə idi ki, qadın haqqında danışarkən bu qədər səmimi, gözləri işıldayan insan görürdüm. Bu nə rol idi, nə də ssenari yazmaq adi səmimi söhbətimizdən yaranan bu müsahibəni oxuyan hər bir xanım mən inanmaram ki, öz xanımlığı ilə fəxr etməsin.Özünə verdiyi dəyəri artmasın. Hələ bu yaxınlarda nəşr olunan “999” adlı kitabı oxuyarkən keçirtdiyim hisslərdən danışmıram. Həmişə içimdə bir hiss olub kaş mən də oğlan olardım. Amma bu roman mənə elə təsir edib ki, inanın bir də nə elə şey fikirləşərəm nə də ki, öz xanımlığımı, qadınlığımı nəyəsə və ya kiməsə dəyişərəm. Kitabda deyildiyi kimi: “Bütün gözəlliklər qadından başlayır. Qadın dünyanın qurucusu, kişi isə uçuranıdır. Həzzə qurban olan qadınlar xainlərdi. Onlardan olma.Qadınsan, yerin başdadır, fahişəsən yerin yoxdur…və s.”kimi fikirləri oxuduqca insanın fikirlərinin dəyişməməsi mümkün belə deyil. Düzdür jurnalistə fikir bildirmək olmaz amma üzürlü bilin mən bu dəfə bu streotipi aşmalı oldum.

Əfruzə Ağayeva, Avanqard.net