Jalə - Qızına adımı qoyma - Şeirlər
01.11.12












*
qızına adımı qoyma
mən adda xanımların
bəxti gətirmir…

*
çalxalanırsan hələ də
durulanda xəbər elə
bir qab da bəlkə mən içdim….

*
könlüm daha saray deyil
xarabada yaşamazsan…

*
niye gəldin?
gözləməmişdim…
niyə getdin?
“get” deməmişdim…

*
bədbin kişilər,
nikbin qadınlar ölkəsində
yaşamaq
bir başqa əzab
melanxolik qadın üçün…

*
bilirsən niyə çox danışıram?
dayanan kimi darıxıram…

*
üç qarımışın söhbəti

- bəxtim olsaydı, bir oğlan doğammazdım?!
- bəxtim olsaydı, elə oğlan doğulardım!!
- bəxtim olsaydı, heç doğulmazdım…

*
bir quzudan xoşum gəlir
böyüyüb qoyun olmamış
bağrıma bassam,
nolar ki?

*
tapmaca deyimmi sənə?
girişi var, çıxışı yox,
özü balaca, yüküsə çox…
açması?

*
kabab iyinə gələnlər,
şişdəki ürəyimdi…
nuş olsun!

*
…qorxma, yandırmaz,
söykə qulağını
ürəyimin divarına…
eşidirsən?
burada da
çox deyinirsən…

*
içəndə
məni görmək istəyən,
səni görüm heç ayılmayasan…

*
məni xoşbəxt eləməyə
sənin fantaziyan çatmadı…

*
yuxuda göy rəngli,
qısaqol kişi köynəyi görmüşəm,
ipdən asılı…
günün altında
qurumuşdu tamam
təkcə yaxası islaqdı…
hardasan, ay yuxuyozan?

*
min dəfə demişəm axı
bacardığın işdən yapış
eşitmişəm,
yenə məni unutmaq istəyirsən…

*
valerian şüşələri zibil deyil!
mən heç vaxt zibil atmadım
bu şəhərin küçələrinə…

*
yalnız gedəndən sonra
baxdım izinə -
batacağım qədər
dərinmiş demə…

*
istəyirsənmi Tanrıdan səni istəyim?
bax ha, nə istədim verdi yaradan…

*
çətir kimisən, vallah,
yağışdan-yağışa yada düşürsən…

*
burada da tapdın məni.
bilirəm, göz yaşlarımın
açdığı relslə gəlmisən…

*
eyvansız evlərin
dənizsiz şəhərlərin
arzusuz insanların
içində
yaşamamaq
yaşamamaq
yaşamamaq…

*
məni alça çiçəklərinin ahı tutdu -
ürəyim gedirdi onları budaqlı-zadlı
qırdırmaq üçün…
mənə ərik çiçəkləri qarğış elədi -
qoxusundan doymazdım…
bütün sarı güllərin qəzəbinə gəldim -
hamısında gözüm qalardı…
ehh,
çiçəklərin də məni sevdiyinə
əllərimdə sevə-sevə öldüyünə
inanacaq qədər
xoşbəxt günlərim vardı…

*
heç vaxt:“heç vaxt!” – demə.
mən elə birini sevdim ki, sonunda…

*
nə vaxt ölmək?
səni sevən sonuncu insandan öncə.

*
yadıma düşmədiyin günlərin
heç biri yadımda qalmır…

*
demədiyin sözəm, canım,
xatırlamağa çalışma…

*
romanlar öncə yaşanar
sonra yazılar
sonra oxunar…

*
ikimiz də aldandıq -
sən böyük görünürdün,
mən balaca…

*
qüdrət
bizim olmayanları sevməkdi
heyrət
bizim olanları hələ də sevmək…

*
…qırılmış ürəklər
daşa dönür axı…
…dəyib yerə düşən sözünü
götür, qoy cibinə…

*
kimi sevsən,
get de, dostum,
xoş xəbəri gecikdirməzlər…

*
bu gün
üzüklər barmağımı sıxır,
arzular ürəyimi…
bu gün kral
yenə darıxmaqdı…

*
Qoyub getdiyin yerdə axtarma,
mənim də ayaqlarım var…

Yenililklər
25.04.25
Nərimanovda kitab sərgisi başladı
24.04.25
Bədirxan Əhmədlinin kitablarının təqdimatı keçirilib
24.04.25
“İstəyirəm “Daşa basım bu kəndi”: Musa Ələkbərli - 75
24.04.25
Anar Məcidzadə - Dünya düşüb gözümdən...
21.04.25
Şəfəq işığında bir ömür: Jurnalistikanın və söz sənətinin Şəfəqi
20.04.25
Aşıq Mikayıl Azaflının musiqili-ədəbi, ifaçılıq sənətinin bəzi fəlsəfi məqamları
17.04.25
Yeni sənədli film - “İrəvan qalasında erməni xəyanəti”
15.04.25
Karakasda poeziya həftəsi - Mahir N. Qarayev
15.04.25
Bədirxan Əhmədli: 70 yaşın işığı
29.03.25
Təkcə sən gəlib çıxmadın
27.03.25
İlqar Cəmiloğlu - Səni məndən soruşana nə deyim?
13.03.25
Professor Bədirxan Əhmədli: Universitetlərdə hələ də sovet dövrünün dərsliklərindən istifadə olunur - MÜSAHİBƏ
03.03.25
Darıxmağın “Təcili yardımı” Kənan Hacı
06.01.25
Sevil İrevanlı - Türkiyat Araştırmaları Enstitüsünün 100. Milletlerarası Kongresinden gözlemler, izlemler
11.12.24
İzzəddin Həsənoğlu və Mirzə Ələkbər Sabirin Türkiyədə nəşr olunmuş kitablarının təqdimatı olub
05.11.24
Azərbaycanlı alim Özbəkistanın Milli televiziya  kanalının məşhur “Shirchoy” verilişinin qonağı olub
29.10.24
Kinonun işğala dirənişi - İstanbulda müzakirə
19.10.24
Bədirxan Əhmədlinin “XX əsr Azərbaycan ədəbiyyatı tarixi” 3 cildlik kitabı çap olunub
15.10.24
Cəfər Cabbarlı Mükafatı təqdim olunub
15.10.24
Füzulinin həyat və yaradıcılığının tədrisinə dair yeni kitab nəşr olunub
11.10.24
Ədəbiyyat üzrə Nobel mükafatı laureatının adı açıqlanıb
10.10.24
XV Bakı Beynəlxalq Film Festivalının bağlanış mərasimi keçirildi
09.10.24
Mikayıl Azaflının “Haqq aşığı yaranıbdı qəm çəkə” kitabı işıq üzü görüb
09.10.24
Asif Rüstəmlinin “Cəmo bəy Cəbrayılbəyli: həyatı və bədii yaradıcılığı” kitabı işıq üzü görüb
09.10.24
Anar Məcidzadə - Nə yaltaqlıq elə, nə quyruq bula...
03.10.24
Azərbaycan dastanlarınıın folklor semantikası
27.09.24
“Əta Tərzibaşı Kərkükün milli tədqiqatçısı” adlı kitabın təqdimatı olub
27.09.24
Lütviyyə Əsgərzadənin “Şeyx Məhəmməd Rasizadə” kitabı işıq üzü görüb
27.09.24
“Azərbaycan ədəbiyyatşünaslığı” jurnalının növbəti sayı çap olunub
27.09.24
Vaqif Yusiflinin “Məmməd Araz dünyası” kitabı işıq üzü görüb
27.09.24
Azad Qaradərəli - Kədərli yazların doğurduğu sevinc
09.09.24
Azərbaycan yazıçısının kitabı Təbrizdə nəşr olunub
09.09.24
“Əbdürrəhim bəy Haqverdiyev. Nəşr edilməmiş əlyazmaları”  kitabı nəşr edilib
09.09.24
Venesiya Film Festivalında “Qızıl Şir” mükafatının qalibi məlum olub
08.09.24
Venesiya Film Festivalında Azərbaycan filmləri nümayiş olunub
07.09.24
Şərqşünaslıq İnstitutunda “Əhməd Nədimin poetikası” kitabı çapdan çıxıb
27.08.24
Azad Qaradərəli - Alman şərqşünasın hekayələrim haqqında yazdıqları
09.08.24
Milli kino günündə “Tənha insanın monoloqu”
08.08.24
Turan Film Festivalı Laçın şəhərində keçiriləcək
02.08.24
Federiko Qarsia Lorka -  Bu çılpaq bədən at nalları dəyməyən...
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.