Rza Nuri - Səsim azad sulara dağılan adalar
14.03.23
Rza Nuri 1991-ci ildə Tehran şəhərində anadan olub. 10 ilə yaxındırki ədəbiyyatla məşğuldur. Şeirləri sitələrdə yayımlanıb. İngiliscədən Azərbaycancaya çevirdiyi bir neçə psixoanaliz məqalələr sanal dünyada yayımlanıb və Margurite Durasin “Ölum Xəstəliyi” adlı romanını çevirib.
Avanqard.net Rza Nurinin iki şeirini təqdim edir.
1. Çünki mən son nəfəsimi siyirmişdim dişlərimlə
Və onurğamdan uçurmuşdum boylu kəpənəklər sözünü
Gündüzün sari avtobusuna düzənmiş saçlarını günlərə bölən barmaqların körpülüyünü sürüşən dünyada, otuz kərə günəşi dolandığım qəlpə başımla ilgidə yolları dərələrə yayınır baldırın fikri
Yarımçıq məktübümün davamını
Postçu düşmüş qalabalığa
Əzilmiş sözlərim
Küçədə
Küçə başını əymiş xiyabanlarda
Başa vurduğum o iti qoxunu
Qəzetdə bıçaqlanmış bir kioskçunun qəzetləri içində bıçaqlanmış bir kioskun içində qəzetlər
Dışında xəbərlər
Sərilincə dışarı
Pəncərədəki ovtuyayım dalğalar, qıvrım saçlarını yamsılayırdı
Çatlaq dodağına hopmuş budaqdan
Nəfəsinlə uçurursan quşları
Yalnız açıq havalarda, düşürdün yadıma
Çölə düşmüş öylə bir xəbər ol ki raketlər ötsün həlqeyi-zülfündən
Gözlərinlə üzünü dişlərinə yığan aynalar sayağı, aynada çərçivədən düşmüş üzümü içinə çəkdiyin, dibə düşdüyüm uzaqlara bax
Həyatını sözlər sancağıla tutan birisiyəm
Məni öylə bir sətirdə tut
Köynəyimin yaxasın uçur
Dodağın səkiliyindən
2021.02.05
2. Boğaz yollarına zayir düşmüş adını
Göz qapaqlarını roll etdiyin əfyun bir yuxuda
Halqa-halqa üfürdüm
Enib-qalxdım
Ağız boşluğunun çəkməcəsini açıb-bağlayan ağciyərimlə
Səsim azad sulara dağılan adalar
Səsim qafiyə yerinə barmağın ucu, əzilən kağızlar
Səsim izləyicilərini çeynəyən bir səhnə
Səsimdə urmu ozon qatı dəliyindən qarqara edir
Quş dedikdə
Yuxuların mürəkkəb qabına batmış boyalı-bayğın başım
Göyqurşağı sayaq atılır protez dişlərim
Borax min işarətə bağladığın sözün çərpələng uçuşunu
Həyatımın altyazısını qatarla sürmüsən gözlərinə
Borax təmas xəttini ötmüş bir təyyarənin hava limanında yumurtalamasını
Xiyabanın əli duraqda
Cebində gilə-gilə udmuş avtubusu, boyununa qol-boyun meydançalarda kiravatını bağlayan avtubusa udulur İona, udulur Ahab
Sırğa sayağı itmiş, şin saxlamış evini sapmış küçələrə su səpmisən
Çəkib düymələ küçəni
Boyununu süpür yığ qulağına
Murtazlar zurnasına qalxan bağırsağım
Xəyyam parkinda bir misra olan skamyada oturan qocanın korluğuna çəlik olur
Boğaz yollarına zayir adın
Min qucaq ağaclarda baş yerinə bölünən sözün versiyalarını uzatmış
Asılqandan asladığım ağciyər saxımlarlı söyləmində
Boyununun sayıqlayan döngələri var
Qorxmaz dərəcəsində qıvrıq saçın
Əqrəblərin əks istiqamətdə qət edən dəniz dalğalarının kələfindən bir parçadır
Boğaz yolları zayir adına
Əfyun yuxulara bağla gözünü
2021.10.26
murtaz: Sadu
|