Bəstəkarlar İttifaqı “Azərbaycan bəstəkarları və musiqişünasları” layihəsi üzrə öz fəaliyyətini davam etdirir
13.11.20

Azərbaycan Bəstəkarlar İttifaqı “Azərbaycan bəstəkarları və musiqişünasları” layihəsi üzrə öz fəaliyyətini davam etdirir.

İttifaqdan AZƏRTAC-a bildirilib ki, layihənin əsas məqsədi Azərbaycan bəstəkarları və musiqişünaslarının yaradıcılığının geniş kütlə arasında tanıdılması və təbliğ edilməsidir.

Layihə üzrə birinci mərhələdə Bəstəkarlar İttifaqının 18 üzvünün həyat və yaradıcılığını əhatə edən broşürlər 2014-cü ildə “Şərq-Qərb” nəşriyyatında çap olunub. İkinci mərhələdə hazırlanmış 16 broşür də 2015-ci ildə həmin nəşriyyatda nəşr edilib.

Bu nəşrlərin personajları sırasında müxtəlif nəsillərin nümayəndəsi olan tanınmış bəstəkarlar - Şəfiqə Axundova (müəllif - Zemfira Qafarova), Emin Sabitoğlu (İmruz Əfəndiyeva), Azər Rzayev (Leyla Quliyeva), Elza İbrahimova (Ceyran Mahmudova), Fərhəng Hüseynov (Şeyla Heydərova), həmçinin bu gün öz yaradıcılıqlarını davam etdirən bəstəkarlarımız – Ruhəngiz Qasımova (Seyran Qafarov), Dadaş Dadaşov (Kəmalə Ələsgərli), Firəngiz Əlizadə (Həcər Babayeva), Faiq Nağıyev (Sevda Hüseynova), Sərdar Fərəcov (Leyla Məmmədova), Elnarə Dadaşova (Zümrüd Dadaşzadə) və b. haqqında broşürlər işıq üzü görüb. Üzərində bəstəkarların portreti olan bu broşürlər elmi-nəzəri tədqiqat işi deyil, məhz geniş oxucu kütlələri üçün nəzərdə tutularaq, onları Azərbaycan professional musiqisinin inkişafına böyük töhfələr vermiş tanınmış musiqiçilərimizin fəaliyyəti ilə tanış etmək məqsədi daşıyır.

Daima bəstəkarlarımızın həyat və yaradıcılıq yolunu əks etdirən, onların yaradıcılıq nailiyyətlərini təbliğ edən musiqişünaslarımız ilk dəfə olaraq, bu broşürlərin qəhrəmanları qismində iştirak edirlər, yəni musiqişünaslarımızın özləri haqqında da broşürlər hazırlanıb çap edilib. Onların sırasında milli musiqişünaslıq elminə böyük töhfələr vermiş - Zemfira Səfərova (müəllif – Zümrüd Dadaşzadə), Zemfira Qafarova (Lalə Hüseynova), Rəna Məmmədova (Əfsanə Babayeva), Gülnaz Abdullazadə (Nailə Rəhimbəyli), İmruz Əfəndiyeva (Ceyran Mahmudova) və Səadət Abdullayevanın (Seyran Qafarov) yaradıcılıq portreti təqdim olunub.

Bu broşürlərin 2015 və 2016-cı illərdə Azərbaycan Bəstəkarlar İttifaqının Üzeyir Hacıbəyli adına konsert salonunda keçirilmiş təqdimat mərasimləri musiqi ictimaiyyətinin görkəmli nümayəndələri, tanınmış ifaçılar, musiqi məktəblərinin direktorları və pedaqoqları tərəfindən böyük maraqla qarşılanıb. Həmin broşürlər respublikanın musiqi təhsili müəssisələrinə, şəhər kitabxanalarına, Bəstəkarlar İttifaqının Gəncə, Lənkəran, Naxçıvan, Şəki şəhərlərində fəaliyyət göstərən bölgə təşkilatlarına, həmçinin Bakıda yerləşən Şuşa təşkilatının musiqi məktəblərinə göndərilib.

Layihəyə olan böyük maraq təsadüfi deyil. Çünki bu qəbildən olan nəşrlər sonuncu dəfə 50 il əvvəl rus dilində çap olunub və yalnız milli bəstəkarlıq məktəbinin klassiklərinin yaradıcılığını əhatə edib. Azərbaycan dilində gerçəkləşən hazırkı layihədə isə konsepsiya genişləndirilərək, qarşıya daha böyük məqsəd qoyulub: bu yaradıcılıq təşkilatının bütün tarixi fəaliyyəti ərzində ilk dəfə olaraq, ən məşhur bəstəkarlarımız ilə yanaşı, oxucularımızı Azərbaycan Bəstəkarlar İttifaqının üzvlərinin rəngarəng fərdi yaradıcılıq palitrası ilə tanış etməkdir.

Bu gün Azərbaycan Bəstəkarlar İttifaqı bu istiqamətdə öz məhsuldar fəaliyyətini davam etdirir. Artıq “Renessans-A” nəşriyyatında çap olunan növbəti broşürlər işıq üzü görüb. Onların sırasında bəstəkarlarımız – Hacı Xanməmmədov, Tofiq Bakıxanov (müəllif – Zemfira Qafarova), Azər Dadaşov (Natalya Dadaşova), Məmmədağa Umudov (Jalə Qulamova), İlyas Mirzəyevin (Seyran Qafarov) yaradıcılığına həsr olunmuş, həmçinin musiqişünaslar - Elmira Abasova (Nigar Əliyeva), Ramiz Zöhrabov (Leyla Zöhrabova), Nailə Mehdiyeva (Cəmilə Həsənova), Səadət Seyidova (Dilbər Məmmədova), Həcər Babayeva (Səadət Təhmirazqızı), Gövhər Hüseynovanın (Elnarə Dadaşova) fəaliyyətini əks etdirən broşürlər nəşr olunub. Lakin pandemiya səbəbindən yaranmış vəziyyətlə əlaqədar olaraq bu broşürlərin təqdimatı gələcək zamanda keçiriləcək.

Qeyd etmək lazımdır ki, nəşr olunmuş broşürlər sırasında Qarabağ əsilli bəstəkarlarımız – Əşrəf Abbasov (müəllif – Raya Abbasova), Cəlal Abbasov (Natalya Dadaşova), Sevda İbrahimova (Cəmilə Həsənova), İsmayıl Hacıbəyov (Natella İsgəndərova), Rauf Əliyev (Zemfira Qafarova), Nərgiz Şəfiyeva (Fəttah Xalıqzadə), Cəmil Əmirov (Turan Məmmədəliyeva) və başqalarının yaradıcılığını əks etdirən broşürlər xüsusi yer tutur. Təsadüfi deyil ki, onların yaradıcılığında doğma yurdları – Qarabağa həsr olunmuş əsərlər xüsusi qeyd edilib.

Layihə üzrə iş davam edir. Növbəti mərhələdə artıq iş prosesində olan broşürlər işıq üzü görəcək. Bu siyahıda yaradıcılıqları haqqında çox məhdud sayda məlumatlar olan bəstəkar və musiqişünaslarımıza üstünlük verilib. Bəstəkarlardan Oqtay Zülfüqarov, Yaşar İmanov, Cahangir Zülfüqarov, Cavanşir Quliyev, Vasif Allahverdiyev, Arif Mirzəyev və musiqişünaslardan - Lyudmila Karagiçeva, İzabella Abezqauz, Şəhla Həsənova, Tamilla Hüseynova və başqaları haqqında broşürlər hazırlanmaqdadır. Bu broşürlərin 2021-ci ildə nəşr olunması planlaşdırılır.

Ümid edirik ki, bu nəşrlər də çoxsaylı oxucu kütləsini maraqlandıracaq və onların müasir “ciddi” musiqi ilə daha yaxından tanış olmasına imkan yaradacaq.

Yenililklər
05.08.21
XII Qəbələ Musiqi Festivalı başa çatıb
05.08.21
Babil lövhəsində tətbiqi həndəsədən istifadə edilmənin ən qədim nümunəsi tapılıb
05.08.21
"Qobustan" jurnalının bu il üçün ikinci sayı çap olunub
05.08.21
Amerikalı vokalçı Della Milesin “Qarabağ Azərbaycandır” klipinin təqdimatı keçirilib
04.08.21
Nərmin Kamal - Gördüm mavi havada sərxoş aşiqlər...
04.08.21
Anar Kərimov Yunus Əmrə İnstitutunun nümayəndə heyəti ilə görüşüb
04.08.21
“Şərq-Qərb. Qızıl Tağ” kinomükafatının nominantlarının siyahısı açıqlanıb
04.08.21
Yazıçı Varisin “Qızıl cib saatı” romanı Türkiyədə nəşr olunub
03.08.21
Bakıda 12-ci Beynəlxalq Qısa Filmlər Festivalı keçiriləcək
03.08.21
Açıq havada kinosevərlər gecəsi keçirilib
03.08.21
“Üzüklər hökmdarı” serialı gələn il təqdim ediləcək
02.08.21
Azərbaycan Kinematoqrafçılar İttifaqı Kino Günü ənənəvi mükafatının qaliblərini elan edib
02.08.21
Xalq artisti Amaliya Pənahovanın yaşadığı binanın qarşısında barelyefi açılıb
02.08.21
Orhan Arasın Azərbaycana köç edən almanlar haqda kitabı çap olundu
02.08.21
Fariz Əhmədov: Bu il kinostudiyada istehsalı bərpa etməyə müvəffəq olduq
02.08.21
Xalq yazıçısı Kamal Abdullanın yeni romanı çap olunub
30.07.21
“Ulduz”un iyul  sayı çap olunub
30.07.21
Kristian Voqler - Yazıçının səyahəti
30.07.21
Ülviyyə Heydərova Beynəlxalq Ədəbiyyat Festivalının qalibi olub
30.07.21
Nizami Gəncəvinin 880 illik yubileyinə həsr olunan beynəlxalq konfrans keçiriləcək
30.07.21
“AMEA Hüseyn Cavidin ev-muzeyinin elmi-yaradıcı fəaliyyəti (müstəqillik illərində)” adlı monoqrafiya nəşr olunub
30.07.21
Türkiyənin Bursa şəhərində Nizami Gəncəviyə həsr olunmuş beynəlxalq konfrans başa çatıb
29.07.21
Dünya şöhrətli Dominikan musiqiçisi Conni Ventura vəfat edib
29.07.21
Milli Qəhrəman Polad Həşimovun xatirəsinə ithaf edilmiş kitabın təqdimatı keçirilib
28.07.21
“Erməni nasizmi – terror ideologiyası” kitabı nəşr olunub
28.07.21
Buker mükafatının uzun siyahısı açıqlanıb
28.07.21
XII Qəbələ Musiqi Festivalı Bakı Musiqi Akademiyasının 100 illik yubileyinə həsr olunacaq
28.07.21
Gənc caz ifaçıları üçün müsabiqə elan olunub
27.07.21
Seyran Səxavət “Nizami Gəncəvi” mükafatına layiq görülüb
27.07.21
Nizami Cəfərov - "Leyli və Məcnun"un türk dünyası - Araşdırma
27.07.21
Azərbaycanlı rəssamın əsərləri “ArtCamp Andorra” layihəsi çərçivəsində UNESCO-da nümayiş olunub
27.07.21
Keşikçidağda Tunc dövrünə aid böyük kurqanlar tapılıb
26.07.21
“Teatr və kinoteatrların açılması müzakirə olunacaq”
26.07.21
Türkiyənin Bursa şəhərində Nizami Gəncəviyə həsr olunmuş beynəlxalq konfrans keçirilir
26.07.21
Aşıq Ələsgərin şeirlər kitabı Türkiyədə nəşr olunacaq
26.07.21
Müslüm Maqomayev və Tofiq Quliyevin heykəlləri Bakının bu hissəsində qoyulacaq
26.07.21
Könül Nuriyeva - Vurnuxma...
16.07.21
“Seyran Səxavət” adlı biblioqrafik kitab işıq üzü görüb
16.07.21
Nizami Gəncəvi irsi Avstriya Milli Kitabxanasında
16.07.21
Anar Kərimov Türkiyə Mədəniyyət və Turizm Nazirliyinin nümayəndə heyəti ilə görüşüb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.