Fəxri Müslüm - Mən ölsəm, içimdən öləcəm
27.05.20

Mən ölsəm içimdən öləcəm

Mən ölsəm, içimdən öləcəm,
abrıma, həyama qısılıb,
mən, çölümdən,
çoxdan ölüb qurtarmışam.
Mən ölsəm,
içimdən öləcəm, bir günəşli səhərdə,
kəpənəklərin,
çiçəkdən çiçəyə, güldən gülə,
sevinə-sevinə, uçub qonan vaxtında.
İçimə yığılan səssiz yaddaşların,
Şaman ocaqları tək, çıtır-çıtır yanan vaxtında.
Mən,
Nazim Hikmətin Gülhanə parkındakı,
Ceviz ağacı deyiləm,
udduğumuz,
bir ovuc havaya şərik çıxa,
torpağın, yurdun əsir vaxtı,
Kölgəsi,
Ağır-ağır yuxuların ağzına ötürə bizi.
Mən,
Orxan Vəlinin Qovaq ağacı deyiləm,
əl boyda yarpaqları,
canımıza gün döyüb, istisi keçməmiş,
son baharın dəryaz ağzına götürə bizi.
Mən, bəzilərinin, heç, alma ağacı da, deyiləm,
yaylağı ilə, payızlığı ilə, qışlığı ilə,
min sifəti, min üzü ola.
aldadıcı parıltıları, qızaran, ya yanan yanaqları,
ya da, solan, ilan üzü ola.
Mən,
yarpaqları beş barmaq palıd ağacıyam,
cəhrayı rəngilə payızın havasına qoşulan.
Canımın çıxan,
öləziyən yerində sobasına qoşulan.
Mən dəmir ağacıyam, kökü Ərdəbilə gedib çıxan,
gövdəsi,
çəkdiyim yük arabasının, təkərinə gedib çıxan.
Mən, ölsəm, içimdən öləcəm,
içimdəki şərqilər, sazın tellərində darana-darana,
və bir də,
içimdə bir köç havası yarana-yarana.
Mən, köçümü,
payızın qızaran, çəhrayı vaxtına,
durna qatarının,
qərib-qərib, kövrək-kövrək,
şərqi oxuya-oxuya köçən vaxtına saxlamışam.
Qanadlarından düşən lələklərlə,
taleyimi,
gecənin Ay işığına yaza-yaza.
Mən, köçümü ,
elatın, yaylaqdan aran köçünə saxlamışam,
payızını,
aram-aram, saçımın,
kipriklərimin uclarından üzüaşağı enən,
çisəyinə, çəninə yaza-yaza.
Ömürmü,
meşənin, küknar ağaclarının arasından,
qərb-qərib süzülən Günəş işiğına,
və bir də,
təbiətin yağışdan sonrakı min rəngə çalan,
Göy qurşağına yaza-yaza.
Mən, ölsəm, içimdən öləcəm,
bulaqların həzin səsi, çayların zümzüməsi,
içimdəki, yurd yaralarını,
qərib bir kövrək nəğməsiylə gözən vaxtı.
Alnımı,
səhərin mehi, öpərək sərin-sərin keçən vaxtı,
dənizin dalğaları hayqırıb,
üzü Şuşaya köksümün başını üzən vaxtı.
Mənim çölüm çoxdan ölüb,
mənim çölüm,
gördüyüm yuxuların astanasında qalıb.
Biraz içimlə yaşaya bilmişəm,
özümü, öz içimdə daşıya bilmişəm.
Onun da, mayası, biraz danüzündən,
biraz yol-izimdən süzülüb gəlib.
Biraz yayımdan,
biraz payızımdan, sozalıb, üzülüb gəlib.
Hərdən, buluda qoşulub getmişəm,
neçə ağrılardan,
neçə dərdlərdən bitib getmişəm.
İçimdə Qarabağı, Göyçəsi,
Və bir də,
Təbrizi can verə-verə.
Ululardan bizə əmanət qalmış,
ancaq, yerinə yetirə bilmədiyimiz,
son sözü, can verə-verə.
Mən, ölsəm, içimdən öləcəm.
Bu yara, qaysaq verib, gözənməsə,
durna qatarının köçünü,
payızın son baharını gözləyəcəm.
Gözləyəcəm,
və ölsəm, içimdən öləcəm.

19.05.2020


Ümid daş bağlayıb, səbrimiz üstdə

Sanki, ağaclar da, inciyib bizdən,
Şaxı, çubuqları gözləri dərər.
Oxşarsan, yarpaq da, sığaldan qaçıb,
Qamçı tək şilləsi üzləri dərər.

Elə bil canlıdı,
Qarşıda zəifi, gücsüzü seçər,
Qollar da yanına düşmüş kimidi.
Ha çalış, ha dolan, başına fırlan,
Lal olmuş kimidi, küsmüş kimidi.

Yatmaz sinəsinə verdiyin su da,
Hirsi, damcı-damcı kökündən damar.
Əsir ağaclara, xiffət çəkməkdən,
Dərdi də, çəkdiyi yükündən damar.

Nə mehə baş əyər, nə də küləyə,
Yermizə,
kininə tutulub durar.
Bizim acığmıza, yada, düşmənə,
Yerindən ox kimi dartılıb durar.

Başında, budaqda,
Oxuyan quşların şərqiləri də,
Sanki, şərqi deyil, söyüş yeridi.
Qarğa qarıldayıb, qınağa çəkər,
Demək istəyər ki,
Savaşın, yeriniz, döyüş yeridi.

Ətrini qısıbdı, gül də, çiçək də,
Üzündən, gözündən xəsislik yağır.
Neynəsin, torpağı, yurdu getmişə,
Gözucu baxır ki,
İçindən, çölündən səssizlik yağır.

Elə bil, sovrulmuş,
Su dəyirmanıyıq, külək oynayır,
Səs də, qurum tutub, körüyü çəkmir.
Ümid daş bağlayıb, səbrimiz üstdə,
Ha yonub hörürük, hörüyü çəkmir.

İçə çəkdiyimiz hava bir yana,
Yanıb,
içdiyimiz suya nə deyim.
Ömür də calanıb,
Elə, yük olubdu, gecə, gündüzə,
Doğan Günəşinə, Aya nə deyim.

Bu boyu, buxunu qamışa çəkdik,
Içimiz, çölümüz qırılıb qaldı.
Bir ovuc düşmənin nə gücü var ki,
İlan tək, yurdlara sarılıb qaldı.

Sanki, ağaclar da, inciyib bizdən,
Şaxı, çubuqları gözləri dərər.
Oxşarsan, yarpaq da, sığaldan qaçıb,
Qamçı tək şilləsi üzləri dərər.

23.05.2020.


Adamları, gözləyirmiş, çöl-bayır

Adamları, gözləyirmiş, çöl-bayır,
Havanın da, rəngi-rufu, qayıtdı.
Meh dolandı, ürək açdı, sevindi,
Dustaq olmuş, hal-əhvalı, oyatdı.

Səma açıq, üz-gözündə təbəssüm,
Yaşmaq altdan Günəş kimi, gülümsər.
Dağlar çənsiz, dağ olmaz ki, çəni var,
Şehi daşdan, yaşıl otdan, gülümsər.

Baxça, bağda ala qarğa, var-gəldə,
Bülbül qonub qızıl gülə, oxuyur.
Azadlığın rəngi necə, xoşuymuş,
Çeşid-çeşid könül, xalı toxuyur.

Gün uzandı, ömür gəldi, ömürə,
Arzuların ağzı açıq güneyə.
Köksüm alda, neçə şərqi oyanıb,
Düyünləndi bayatıya, tər neyə.

İstiləndi quluncumun hər tini,
Yel oynadı ağ saçımda, telimdə.
Sinirlərim, zəncirindən toxdadı,
Qantarğası, zər yüyəni, əlimdə.

Adamları, gözləyirmiş, çöl-bayır,
Havanın da, rəngi-rufu, qayıtdı.
Meh dolandı, ürək açdı, sevindi,
Dustaq olmuş, hal-əhvalı, oyatdı.

18.05.2020

Yenililklər
23.10.20
Fərid Hüseynin yeni kitabı çap olunub
23.10.20
Rövşən Xasayoğlu - Azərbaycan, gözün aydın...
20.10.20

Azərbaycanın dörd yazıçısının əsəri Fransada çap olunub

15.10.20
“The Role of the Personality in History” adlı VIII Uluslararası Sempozyuma davet
23.09.20
“Sufi və şeir – Osmanlı təsəvvüf şeirinin poetikası” kitabı Azərbaycan dilində nəşr olunub
23.09.20
Nobel mükafatları bu il ənənəvi qaydada təqdim edilməyəcək
23.09.20
Komiks müsabiqəsi üçün müraciətlər açıq elan edilib
23.09.20
Qazaxıstanda Əbdürrəhim bəy Haqverdiyev və Üzeyir Hacıbəyliyə həsr edilən beynəlxalq konfrans keçiriləcək
23.09.20
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.20
Azad Qaradərəlinin kitabı rus dilidə çap olunub
22.09.20
“Mədəniyyət/Culture” jurnalının növbəti nömrəsi işıq üzü görüb
22.09.20
A.P.Çexovun Yaltadakı ev muzeyindən reportaj
21.09.20
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.20
Kənan Hacı “MÜCRÜ” ədəbiyyat dərgisinə baş redaktor təyin edildi
21.09.20
Açıq səma altında tamaşa nümayiş olunub
21.09.20
"Naxçıvan ədəbi mühiti Şərq-Qərb kontekstində" təqdim edilib
17.09.20
Ədəbiyyat İnstitutu vakant vəzifələri tutmaq üçün müsabiqə elan edir
17.09.20
"H`Ayların və Armenlərin mənşəyi" kitabı nəşr olunub
16.09.20
Nadir Əzhəri - Modernizm və postmodernizmin xüsusiyyətlərinin müqayisəsi
16.09.20
Buker mükafatının qısa siyahısı açıqlanıb
15.09.20
Mədəni İrsin Qorunması, İnkişafı və Bərpası üzrə Dövlət Xidmətinə rəis müavini təyin edildi
15.09.20
Dövlət qoruqlarını idarəetmə səlahiyyəti Dövlət Turizm Agentliyinin Qoruqları İdarəetmə Mərkəzinə verilib
14.09.20
“Filologiya və sənətşünaslıq” jurnalının növbəti nömrəsi nəşr olunub
14.09.20
Seymur Baycanın romanı Polşada nəşr edildi
14.09.20

Hacı Zeynalabdin Tağıyevin heykəli yaxın zamanlarda ucaldılacaq

14.09.20
İtaliyada 77-ci Venesiya kino festivalına yekun vurulub
11.09.20
Soylu Atalı - Doğruluğun halallığı
11.09.20
Şəkidə qədim yaşayış məskəni aşkarlanıb
11.09.20
“Azərbaycan mədəniyyətində akkulturasiya və folklor” kitabı çapdan çıxıb
11.09.20
Venesiyada ikinci “Müqəddəs Markın şiri” mükafatı təltif olunub
10.09.20
Umberto Eko - Ədəbiyyatın bəzi funksiyaları haqqında
10.09.20
Vaqif Yusifli - Elm fədaisi
10.09.20
"Axtarışlar" jurnalının yeni sayı çıxıb
09.09.20
Etimad Başkeçid - “Dost”, “dost” deyə-deyə...
09.09.20
Anar Şamil - Mənimlə danış
09.09.20
Fərid Muradzadə - Ünvana çatmayan əmanət 
09.09.20

Belçika şirkəti Fikrət Əmirovun “Kor ərəbin mahnısı” əsərinin mənimsənilməsini etiraf etdi

08.09.20
Elmi-fantastika janrında hekayə müsabiqəsi elan olunub
08.09.20
Kosmosda uzun müddət qalmağın baş beyinə təsiri araşdırılıb
08.09.20
Təranə Vahid - Uçan buludlar
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.