Haydar Ergülen - Səsin yayda qalsın sinifdə qalmış bir uşaq kimi
20.11.17

Niyə şeir yazıram?
 
 
Bilmirəm. Düzü, hesab edirəm ki, heç kəs bilmir. Bu mövzuda izahlı nəzəriyyə və ya əsaslı bir fikrim də yoxdur… Mən artıq orta yaşlı "gənc” şair olduğuma görə, 40 yaşımdan sonra uşaqlığıma və gəncliyimə qayıtmaqda qəbahət görmürəm. Böyük xatirə dəftərini açdım, orada özümə aid məsələləri bir-bir yada saldım… Fəqət əgər oxuyub bitirməmişəmsə, hələ demək olar təzəcə açmışamsa, deməli, bu xatirə dəftəri "başıma yeni şeirlər açacaq…” Belədirsə onda demək olar ki, insanlara və xatirələrimə bağlılığıma görə şeir yazıram.
Eşq şairiyəmmi? Bilmirəm, amma eşqlə yazdığımı bilirəm.
 
Haydar Ergülen
 

 
 
Yaşıl köynəkli uşaq
 
 
Mən şair deyiləm, bu da şair deyil,
o yaşıl köynəkli uşağın yerinə yazıram,
onun yaşıl köynəyini görmürlər,
yaşıl köynəyinin altındakı qəlbini
göstərə bilmir deyə qəm yeyir,
"qəm yemə” deyirlər,
Dünyanın axırı deyil, nolub,
yenə geyinərsən yaşıl köynəyini,
çalış qəlbini təmiz saxla.
Ən çox bu axırıncı cümləni
deyən adam maraqlıdı mənə:
"Qəlbini təmiz saxla!”
 
Qəlbini təmiz saxlayır,
özü də elə təmiz saxlayır ki,
hamı ona gülür,
yaşıl köynəkli uşağın qəlbi
köynəyinin içindən belə görünür.
İndi də qəlbini götürüb gizlətmək istəyir,
bilmir harda gizlətsin,
əvvəllər heç vaxt qəlbini gizlətməyən
uşaq hardan bilsin belə şeyləri.
Ovcunda tutmaq istəyir,
lap balaca olanda bir sərçə tutmuşdu,
ovcunda onun ürəyinin döyüntüsünü duymuşdu,
bəlkə qəlb elə bir şeydir,
ovcun boydadır o da,
ovcunda saxlaya bildiyin qədərdir.
Heç kəs hədiyyə kimi də istəmir onun qəlbini,
əgər hədiyyə kimi də verə bilməsə,
o qəlblə necə yaşaya bilər?
Özü də bu sualın cavabın bilmir...
elə mən də.
 
Yaşıl köynək geyinməyən
bəzi dostlarından "qəlbim qırıldı”
sözlərini eşidib:
yaşıl köynək yerinə
bu sözləri geyinmək istəyir,
yaşıl köynəyini bağışlaya bilər
bu sözləri deyə bilmək üçün
heç kəs onun qəlbini qırmır,
heç kəs onun ürəyindəkiləri bilmir.
 
Olmaya yaşıl köynəkli uşağın
qəlbi yoxdur,
varsa hanı,
yaşıl köynəkli uşaq,
qəlbini göstər bizə.


 ...
Uşağın adı Bəşirdi,
bir köynəyi var yaşıldı,
Turqut Uyarından yadigar bir şeirdi
...
Həmişə o yaşıl köynəyi
geyər, dəyişər,
ancaq həmişə əvvəlki adam ola bilərmi?
Uşağın yaşıl
köynəyin altındakı qəlbi
elə bilirlər ki, həmişə belə qalacaq
yaşıl olmasa mavi ilə
bir təhər keçinər deyirlər.
...
 
Bax bilmirəm izah edə bildimi,
bu şeiri niyə yazdım
o yaşıl köynəkli oğlanın yerinə.
Təbii ki, mən ondan yaşda xeyli böyüyəm,
yəni mən şairlik yaşını çoxdan keçmişəm,
yaşıl köynəkli uşaqsa şeir yaşındadır.
Elə bilirlər qəlbinin böyüklüyü
köynəyinin yaşıllığındandı.
Əslində, mən onların ağızlarını payını verməliyəm,
amma heç nə deyə bilmirəm.
Onun yerinə yaşıl köynək geyinə,
onun yerinə şeir yaza,
onun yerinə dərd çəkə bilərəm,
amma bilmirəm onun yerinə
başqa neyləyə bilərəm.
 
O yaşıl köynəkli uşağı çox istəyirəm,
xeyr, istəmirəm qəlbini göstərsin,
istəmirəm onun qəlbini oğurlasınlar,
qəlbsiz yaşasın.
İndiki zamanda
qəlb çox da vacib şey deyil,
artıq mən də qəlb barədə yazmaq istəyirəm
nə onun yerinə, nə də öz adıma.
Həm də heç kəs onun yaşıl köynəyinin
altında gəzdirdiyi qəlbini görmədi.
onu şeirini bircə adam da eşitmədi,
O uşağı bu şeirdən çıxarıram,
yaşıl köynəyi o uşağın əynindən çıxarıram,
şeir də sizindi artıq,
yaşıl köynək də,
artıq o köynək
mavi də ola bilər, qara da, qırmızı da.
Kim yayda yaxası açıq gəzirsə
siz gedin ondan yazın, onu axtarın, onu sevin.
O uşağın qəlbiylə işiniz olmasın.
 
 
 Nəyəm mən?
 (Neyəm mən?)
 

 
Bazar ertəsi:                        Haydar Ergülen
Çərşənbə:                               aydar    rgülen
Çərşənbə axşamı:                     ydar      gülen
Cümə axşamı:                            dar        ülen
Cümə:                                          ar          len
Şənbə:                                            r            en
Bazar:                                                            n
 
Azalıram gün-gündən
adımdan, şeirimdən...
"n”əyəm mən?”
(neyəm mən?)
"n”ədir Haydar Ergülen?
 
 
 Mavi keçdi
 
 
Elə bir yay idi ki,
sanki göy üzündə oturmuşduq.
 
Səni öpmək göy üzünü öpmək kimi
mavi bir şey idi.
 
Cavanlıq elə yaydır ki,
nə el-oba, nə ev, nə otaq
ancaq və ancaq göy üzü
bəs edər insana.
 
Biz göy üzündə
çox oturduq
gəncliyimiz
çox mavi keçdi... çox!
 
 
Səsi yaz!
 
Səsin yayda qalsın
sinifdə qalmış bir uşaq kimi
sən də yayda qal
mən dünyadan uşaqlığıma
qayıda bilsəm
sən yay səsinlə çağırsan məni
harda qala bilərəm,
sənin yayından,
sənin səsindən başqa?

 
 
Mən kiminsə evi olsaydım
 
 
Mən başqasının evi olsaydım
Sahibim, o şorgöz, kiməsə aşiq olardı,
Deyərdim ki, qadınları evinə gətirmə,
Evin həm bədəni, həm də ruhu var.
 
Öyrəşmişdim burdan ora, ordan bura "qonamğına”
Onu qəti bağışlamazdım, qadından başqa bir evi olmayan
yekə bir uşağı aldatdığına görə,
qadının əri evidir, həyətisə dostu.
 
Mən də bir evəm, ruhumun pəncərəsi olan
gözlərim tənha qoyun, deyərdim.
Necə atıb getmişdinizsə o evlə birgə,
indi sizdən baxanda həyət görünürmü
 
Mən başqasının evi olsaydım,
sizdən başqa bir səmtə köçərdim.
 
 
 Kölgələr qəzəli
 
 
Bu kölgəni əvvəlki iyunlardan toplamışam sizə.
Eşqin kölgəsi aramızda kimsəsiz qalmasın deyə
 
Deyirlər eşq odur, gündüz də qaranlığıyla sərxoşdu,
Desinlər ki, hələ qəm var kölgəsində - nə xoşdu.
 
Onda var olsun gecəyə qanad verən bu pərvanə
Afərin eşqin önünə keçməyən kölgəyə də.
 
Eşq dənizində işıq yoxdursa aşiqə nə qəm
Eşq iqliminin işığı da, kölgəsi də nurlu axşam.
 
Ah işıqları yandıranda kölgəsini unudan insan
Kaş işıqları söndürəsiniz ki eşqi anlayaq bundan
 
Kölgələr küçə pişikləri kimi axşamın ümidinə vermək.
Savabdır bəzən iyunu üşüyən bir kölgəni üstünə örtmək.
 
Məgər axşamın kölgəsi başqaymış, tənhanın kölgəsi başqa
Sənin gözəl kölgəndən mənə bir körpə iyun bağışla.
 
Təki iyun olsun, kölgəsi belə bəsdir eşqə.
 
 
Türkiyə tükcəsindən uyğunlaşdıran: Fərid Hüseyn, artkaspi.az

Yenililklər
23.10.20
Fərid Hüseynin yeni kitabı çap olunub
23.10.20
Rövşən Xasayoğlu - Azərbaycan, gözün aydın...
20.10.20

Azərbaycanın dörd yazıçısının əsəri Fransada çap olunub

15.10.20
“The Role of the Personality in History” adlı VIII Uluslararası Sempozyuma davet
23.09.20
“Sufi və şeir – Osmanlı təsəvvüf şeirinin poetikası” kitabı Azərbaycan dilində nəşr olunub
23.09.20
Nobel mükafatları bu il ənənəvi qaydada təqdim edilməyəcək
23.09.20
Komiks müsabiqəsi üçün müraciətlər açıq elan edilib
23.09.20
Qazaxıstanda Əbdürrəhim bəy Haqverdiyev və Üzeyir Hacıbəyliyə həsr edilən beynəlxalq konfrans keçiriləcək
23.09.20
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.20
Azad Qaradərəlinin kitabı rus dilidə çap olunub
22.09.20
“Mədəniyyət/Culture” jurnalının növbəti nömrəsi işıq üzü görüb
22.09.20
A.P.Çexovun Yaltadakı ev muzeyindən reportaj
21.09.20
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.20
Kənan Hacı “MÜCRÜ” ədəbiyyat dərgisinə baş redaktor təyin edildi
21.09.20
Açıq səma altında tamaşa nümayiş olunub
21.09.20
"Naxçıvan ədəbi mühiti Şərq-Qərb kontekstində" təqdim edilib
17.09.20
Ədəbiyyat İnstitutu vakant vəzifələri tutmaq üçün müsabiqə elan edir
17.09.20
"H`Ayların və Armenlərin mənşəyi" kitabı nəşr olunub
16.09.20
Nadir Əzhəri - Modernizm və postmodernizmin xüsusiyyətlərinin müqayisəsi
16.09.20
Buker mükafatının qısa siyahısı açıqlanıb
15.09.20
Mədəni İrsin Qorunması, İnkişafı və Bərpası üzrə Dövlət Xidmətinə rəis müavini təyin edildi
15.09.20
Dövlət qoruqlarını idarəetmə səlahiyyəti Dövlət Turizm Agentliyinin Qoruqları İdarəetmə Mərkəzinə verilib
14.09.20
“Filologiya və sənətşünaslıq” jurnalının növbəti nömrəsi nəşr olunub
14.09.20
Seymur Baycanın romanı Polşada nəşr edildi
14.09.20

Hacı Zeynalabdin Tağıyevin heykəli yaxın zamanlarda ucaldılacaq

14.09.20
İtaliyada 77-ci Venesiya kino festivalına yekun vurulub
11.09.20
Soylu Atalı - Doğruluğun halallığı
11.09.20
Şəkidə qədim yaşayış məskəni aşkarlanıb
11.09.20
“Azərbaycan mədəniyyətində akkulturasiya və folklor” kitabı çapdan çıxıb
11.09.20
Venesiyada ikinci “Müqəddəs Markın şiri” mükafatı təltif olunub
10.09.20
Umberto Eko - Ədəbiyyatın bəzi funksiyaları haqqında
10.09.20
Vaqif Yusifli - Elm fədaisi
10.09.20
"Axtarışlar" jurnalının yeni sayı çıxıb
09.09.20
Etimad Başkeçid - “Dost”, “dost” deyə-deyə...
09.09.20
Anar Şamil - Mənimlə danış
09.09.20
Fərid Muradzadə - Ünvana çatmayan əmanət 
09.09.20

Belçika şirkəti Fikrət Əmirovun “Kor ərəbin mahnısı” əsərinin mənimsənilməsini etiraf etdi

08.09.20
Elmi-fantastika janrında hekayə müsabiqəsi elan olunub
08.09.20
Kosmosda uzun müddət qalmağın baş beyinə təsiri araşdırılıb
08.09.20
Təranə Vahid - Uçan buludlar
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.