Aynurə Asimqızı - ...təqvimlər qurban olsun Ata-Anama


15.05.17

Elə hisslər var ki, nə qədər çalışsan da onları sözlə ifadə etmək olmur. Vətənə, valideyinə, və övlada olan məhəbbət kimi. Vətən sevgisini qeyd eləməyə bütün ölkələrin hansısa bir əlamətdar günü var. Amma sadəcə bəzilərinin valideyin sevgisi üçün bayram tarixi mövcuddur. Atalar günü və Analar günü... Yalnız sözdə belə gözəl səslənən bayram, təqvimlə qeyd olunan günlərdə xöşbəxtlik yaşanar deyə düşünür adam. Ən azından ildə bir dəfə Ata və Anaya ayrılan gün, unudulmağa doğru gedən ailə dəyərlərini qorumağa, böyüklərə qarşı sayqı göstərməyi xatırlamağa səbəb olur. Canından bir parça olduğumuz Ata, canının bir parçası kimi 9 ay bizi bətnində daşıyan Ana. Sizcə də bu müqəddəs varlıqlar özəl bir günə layiq deyilmi? Əlbətdə ki, hamıdan və hər şeydən çox layiqdirlər, amma gəl gör ki, təqvim onları sevindirmir...

Birdən xatırlayırsan qardaş ölkən Türkiyə əsl bayram olaraq qeyd edir Ata – Ana günlərini. Bu dəm öz-özünə deyirsən: "Olmasın sənin illik təqvimində bu tarix, axı sən də Türksən və Türkün Ata - Anası onun baş tacı olub hər zaman, bütün təqvimlər qurban olsun Ata-Anama...”
Baharın ən gözəl ayı olan mayın ikinci həftəsi ayrılır Analara. O gün bütün bayramların ən kövrəyi yaşanar bəlkə də. Anası həyatda olanlar şanslıdır – bayramın sevincini yaşayarlar, Anası bu dünyadan köçənlər bayram hədiyyəsi kimi bir qucaq dua bəxş edir doğmalarının ruhuna.
İllərdən qalma ənənə var ailəmizdə, məşhur şeirdə deyildiyi kimi "lap tezdən oyanırıq”, atamla sürpriz hazırlayırıq anama. Amma bunlar 8 mart beynəlxalq qadınlar günündə olur. Düşündüm bu il "Analar günü”-nü mən də qeyd edim. Hədiyyəm isə qayğılı xatirələrlə bol bir təşəkkür məktubudur Anama...
Dünyanın ən incə ruhlu Anasına...
Ana – Sənə olan sevgim və heyranlığım o qədər böyükdür ki, izahı mümkün deyil. Nəfəs kimisən, döyünən ürəksən, görən gözsən, varlığına hər gün şükür edib Allaha açılan dua əllərisən! Nə etsəm, nə desəm azdır yenə, ödəyə bilmərəm çəkdiyin zəhmətin, əməyinin dəyərini.
Bətnindəykən narahat etdiyim ilk gündən indiyəcən çəkdiyin əziyyətlərin qarşılığı yoxdur çünki. İlk qidam, ilk kəlməm, ilk sevgimsən.
Elə ilahi varlıqsan ki, danışmağı bacaran birini başa düşmək çətinkən sən övladının istəyini danışmadan anlaynasan. Ruhunda hiss etdin, sevginlə yoğurub ürəyində böyütdün.
Mənlə ilk qarşılaşdığın an yanağından süzülən sevinc göz yaşların, ilk toxunuş, ilk təmasımız Rəbbimin dünyanı yoxdan var etdiyi gün kimi möhtəşəm olub. Yeni dünyaya qədəmimə səbəb olduğunçün təşəkkür edirəm Anam...
"Dopatdım” (qopartdım), "qanaxıdı” (qaranlıqdır) kimi deyə bilmədiyim sözlərimin doğru tələffüzümün müəllimi oldun. Təşəkkür edirəm ilk müəllimim...
Uşaqkən bağçaya getmək istəməzdim heç, sən hər yerdən güvənli idin mənə. Küsərdim məni bağçaya verəndə, səni bir də görməyəcəm qorxusu dolardı körpə canıma. Vaxtı sayardım sənə qovuşmağa.
Gözləməyi öyrətdiyinçün təşəkkür edirəm...
Birinci sinifə başlayanda müəllimlərimdə səni gəzərdim, o təbəssümlü simanın həsrətini çəkərdim dərsdə. Təbəssümə yoluxdurduğunçün təşəkkür edirəm...
Aldığım ilk sevgi məktubunu məhv edib gələcək eşq əzabından qoruyan xilaskarımsan. Qoruyucu mələyim olduğunçün təşəkkür ediirəm...
Bədən ölçülərimi əzbər bilən, məni mənsiz bəzəyənimsən. Təşəkkür edirəm zövqlü dərzim olduğun üçün.
Döndüyüm neçə ölüm qapılarından "hələ olmaz” deyib geri qaytaranımsan. Baş ucumda səssizcə ağlayıb dua etdiyin günlər az olmadı mələyim. Xəstə yatağımda yuxuda olduğumu düşünüb saçlarımı oxşadığın günlərin əvəzini necə qaytarım? Üşüməyim deyə hər saat başı yorğanımı ötdüyün yuxusuz gecələrini demirəm hələ. Həyatımın təbibi olduğunçün təşəkkür edirəm...
Universitetə qəbul olunduğum sevinciylə gözüyaşlı boynuna sarıldığım ana, sən məni, mən səni təbrik etmişdik. Sənin zəfərin mənim həyata açılan növbəti qapım idi çünki. Ən yaxın rəfiqəm, tək dostum olduğunçün təşəkkür edirəm...
Bir də həyatın bu yazılmayan qanunları olmaya deyirəm. Susursan, səsini boğursan öz içində, amma çinar kimi elə əzəmətli dayanırsan ki, kənardan baxan sənə "kişi kimi qadın” deyir. Daşlaşmağa məcbur qalırsan bəzən. Bunu da səndən öyrəndim mələyim. Ən çətin məqamda da dözümü, ən ağır sınaqlarda təmkinli olmağı səndə görüb öyrətdim canıma. Öyrətdiyin dəyanət əzmi üçün təşəkkür edirəm...
İncə varlığım, Anam olduğun və hər addımımda yanımda yer aldığın üçün təşəkkür edirəm! Bir adam nə qədər çalışırsa çalışsın valideyin borcunu qaytara bilməz. Tək bacaracağı xeyirli övlad, yaxşı insan, şərəfli vətəndaş, ola bilməkdir. Bu hər valideyinin övladdan gözləntisidir. Övlad olaraq illik hesabat təqvimimiz sayılan Ata-Analar günüdür, əsas istəyimiz isə hər ilin bu günü bizə həyat bəxş edən müqəddəs varlıqlara layiq olduğumuzu göstərə bilməkdir. /adalet.az/

Yenililklər
23.10.20
Fərid Hüseynin yeni kitabı çap olunub
23.10.20
Rövşən Xasayoğlu - Azərbaycan, gözün aydın...
20.10.20

Azərbaycanın dörd yazıçısının əsəri Fransada çap olunub

15.10.20
“The Role of the Personality in History” adlı VIII Uluslararası Sempozyuma davet
23.09.20
“Sufi və şeir – Osmanlı təsəvvüf şeirinin poetikası” kitabı Azərbaycan dilində nəşr olunub
23.09.20
Nobel mükafatları bu il ənənəvi qaydada təqdim edilməyəcək
23.09.20
Komiks müsabiqəsi üçün müraciətlər açıq elan edilib
23.09.20
Qazaxıstanda Əbdürrəhim bəy Haqverdiyev və Üzeyir Hacıbəyliyə həsr edilən beynəlxalq konfrans keçiriləcək
23.09.20
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.20
Azad Qaradərəlinin kitabı rus dilidə çap olunub
22.09.20
“Mədəniyyət/Culture” jurnalının növbəti nömrəsi işıq üzü görüb
22.09.20
A.P.Çexovun Yaltadakı ev muzeyindən reportaj
21.09.20
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.20
Kənan Hacı “MÜCRÜ” ədəbiyyat dərgisinə baş redaktor təyin edildi
21.09.20
Açıq səma altında tamaşa nümayiş olunub
21.09.20
"Naxçıvan ədəbi mühiti Şərq-Qərb kontekstində" təqdim edilib
17.09.20
Ədəbiyyat İnstitutu vakant vəzifələri tutmaq üçün müsabiqə elan edir
17.09.20
"H`Ayların və Armenlərin mənşəyi" kitabı nəşr olunub
16.09.20
Nadir Əzhəri - Modernizm və postmodernizmin xüsusiyyətlərinin müqayisəsi
16.09.20
Buker mükafatının qısa siyahısı açıqlanıb
15.09.20
Mədəni İrsin Qorunması, İnkişafı və Bərpası üzrə Dövlət Xidmətinə rəis müavini təyin edildi
15.09.20
Dövlət qoruqlarını idarəetmə səlahiyyəti Dövlət Turizm Agentliyinin Qoruqları İdarəetmə Mərkəzinə verilib
14.09.20
“Filologiya və sənətşünaslıq” jurnalının növbəti nömrəsi nəşr olunub
14.09.20
Seymur Baycanın romanı Polşada nəşr edildi
14.09.20

Hacı Zeynalabdin Tağıyevin heykəli yaxın zamanlarda ucaldılacaq

14.09.20
İtaliyada 77-ci Venesiya kino festivalına yekun vurulub
11.09.20
Soylu Atalı - Doğruluğun halallığı
11.09.20
Şəkidə qədim yaşayış məskəni aşkarlanıb
11.09.20
“Azərbaycan mədəniyyətində akkulturasiya və folklor” kitabı çapdan çıxıb
11.09.20
Venesiyada ikinci “Müqəddəs Markın şiri” mükafatı təltif olunub
10.09.20
Umberto Eko - Ədəbiyyatın bəzi funksiyaları haqqında
10.09.20
Vaqif Yusifli - Elm fədaisi
10.09.20
"Axtarışlar" jurnalının yeni sayı çıxıb
09.09.20
Etimad Başkeçid - “Dost”, “dost” deyə-deyə...
09.09.20
Anar Şamil - Mənimlə danış
09.09.20
Fərid Muradzadə - Ünvana çatmayan əmanət 
09.09.20

Belçika şirkəti Fikrət Əmirovun “Kor ərəbin mahnısı” əsərinin mənimsənilməsini etiraf etdi

08.09.20
Elmi-fantastika janrında hekayə müsabiqəsi elan olunub
08.09.20
Kosmosda uzun müddət qalmağın baş beyinə təsiri araşdırılıb
08.09.20
Təranə Vahid - Uçan buludlar
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.