Rasim Qaracanın şeirləri kitabı Tehranda farsca nəşr olunub.

İranın paytaxtı Tehranda, ölkənin ən böyük nəşriyyatlarından biri olan “Pence Fesle” (Beşinci Fəsl) nəşriyyatında Rasim Qaracanın “Tənhalıqdan o yana kənd yoxdur” adlı şeirlər kitabı işıq üzü görüb.

Şeirləri fars dilinə Keyumerz Nizamiyan tərcümə edib. 700 tirajla nəşr olunan bu kitabda müəllifin miniatür üslubda yazdığı şeirləri toplanıb. Qeyd edək ki, bu, şairin İranda dərc olunan ikinci kitabıdır.

Bundan əvvəl şairin “Ölüm Haqqında Günəş” şeirlər toplusu Azərbaycan dilində, "Yaşmaq" Yayın evində 2 min tirajla işıq üzü görmüşdü. /oxuzali.az/