Bugünlərdə tanınmış yazıçı-publisist Mustafa Çəmənlinin “Üç yaşlı əsir” adlı kitabı “Elm və təhsil” nəşriyyatında nəşr olunub.

Kitaba yazıçının son illərdə yazdığı “Üç yaşlı əsir” povesti, mövzuları gündəlik həyatdan alınmış kiçik hekayələri, aforistik deyimləri, uşaqlar üçün yazdığı hekayələri, musiqiçilərin həyatından bəhs edən lətifələri toplanıb.

Yazıçı “Üç yaşlı əsir” povestində atəşkəs dövründə təmas xəttinə yaxın kəndlərin birində yaşayan bir ailənin timsalında xalqımızın mübarizəsini, torpaq itkisini, sarsıntılarını, bununla belə ən ağır şəraitdə də öz humanistliyini qoruyub saxladığını mürəkkəb psixoloji detallarla açıb göstərməyə çalışıb.