Azərbaycan Respublikasının Nazirlər Kabineti yanında Tərcümə Mərkəzi (Az.TM) Azərbaycan Respublikası Prezidentinin 2012-ci il 23 may tarixli 2236 nömrəli Sərəncamıyla yaradılmışdır. Mərkəz tərcümə olunan materiallarda Azərbaycan dilinin düzgün işlədilməsi ilə bağlı ölkədaxili və beynəlxalq müstəvidə ictimai-siyasi, elmi-texniki, ədəbi-mədəni mübadilələrin və əlaqələrin dil və tərcümə baxımından tənzimlənməsi, ölkə üzrə tərcümə prosesinin elmi, texniki, tibbi, hüquqi və digər sahələrdə təşkili və təkmilləşdirilməsi işinə nəzarəti həyata keçirən icra hakimiyyəti orqanıdır.

Mərkəz yeni statusla fəaliyyətə başladığı gündən dünyanın aparıcı nəşriyyatları ilə əlaqələr qurur, Azərbaycan ədəbiyyatının, elmi-mədəni irsinin dünya dillərində, dünya ədəbiyyatlarının Azərbaycan dilində nəşrini təmin edir. Mərkəz kitab və mətbu nəşrlərinin, həmçinin xarici ölkələrdə nəşr olunacaq Azərbaycan ədəbiyyatının, elmi-mədəni irsinin nümunələrini çapa hazırlayır. "Xəzər" dünya ədəbiyyatı jurnalının, "Aydın Yol" ədəbi-ictimai qəzetinin əlavə nəşrlərinin çapını təşkil edir.

Çoxşaxəli fəaliyyət istiqamətinə baxmayaraq, Mərkəz, "Tərcümə Mərkəzinin kitabları" seriyasından olan kitabları və "Xəzər" dünya ədəbiyyatı jurnalının rüblük nəşrlərini mütəmadi olaraq oxuculara təqdim edir.

Bu məqsədlə Mərkəz nəşr olunmuş və nəşr olunacaq dünya ədəbiyyatı nümunələrinin, ensiklopediya və antologiyaların abunəsinə başlayır.

________________________________________________________________________________________________________________________________________________________

 

Ümumi məlumat və abunənin şərtləri

Abunə yazılmaq istəyən hər bir oxucu Tərcümə Mərkəzi ilə telefon və elektron poçt vasitəsi ilə əlaqə yarada bilər. Abunə agenti sizin abunə istəyinizi reallaşdıracaq. Kitablara Mərkəzə müraciət etməklə də abunə yazıla bilərsiniz.

Əlavə abunə mərkəzləri açıldıqda, onların ünvanları haqqında məlumat saytımız (aztc.gov.az) və mətbuat vasitəsi ilə oxuculara çatdırılacaq.

Hər bir abunəçi kitablara abunə yazılmaq üçün "Abunə vərəqi"ni düzgün doldurmalı və 15 manatdan az olmamaq şərti ilə depozit ödəməlidir. Ödənilmiş depozit ümumi məbləğə daxildir.

Kitablar çap olunduqca, abunə agenti və ya digər məsul işçilər bu barədə abunəçiyə telefon, yaxud məktub vasitəsi ilə xəbər verəcək.

Kitablar abunəçiyə üç yolla təqdim oluna bilər: onlardan ikisi - poçt və ya kuryerlə çatdırılma haqları müqaviləyə daxil deyil və kitablar gətirilən vaxt ödənilir. Kitabları Mərkəzə müraciət edib alarkən isə əlavə haqq ödənilmir.

"Abunə vərəqi"nə imza atmaqla abunəni qeydə alan Mərkəz, kitablar çapdan çıxdıqca, bu barədə abunəçiyə vaxtında xəbər verməyi, abunəçi isə həmin kitabları almağı öhdəsinə götürür.

 
Abunəçilərə təqdim olunan kitabların siyahısı:

Dünya ədəbiyyatından seçmələr

1. Xuan Rulfo - "Pedro Paramo"

2. Matilda Urrutia - "Pablo Nerudayla yaşanan ömür"

3. Ernest Heminquey "Qadınsız kişilər"

4. Akutaqava Rünoske - "Tanrıların istehzası"

5. Yasmina Mixayloviç - "Xəzər dənizinin sahillərində"

6. Oljas Süleymenov - "Az-Ya"

7. Ernesto Çe Gevara - "Boliviya gündəliyi" (yaxın günlərdə nəşr olunacaq)

8. Patrik Modiano - "Seçilmiş əsərləri" (yaxın günlərdə nəşr olunacaq)

 

Tərcümə topluları

1. "Xilas yolunun yolçuları" - sufi mətnlərindən seçmələr

2. "Bəşəri poeziya"

3. "Latın Amerikası romanı"

4. "Çexovdan Markesə qədər"

 

"Xəzər" dünya ədəbiyyatı jurnalının rüblük nəşrləri

1. "Xəzər" dünya ədəbiyyatı dərgisi 2014/1

2. "Xəzər" dünya ədəbiyyatı dərgisi 2014/2

3. "Xəzər" dünya ədəbiyyatı dərgisi 2015/1

4. "Xəzər" dünya ədəbiyyatı dərgisi 2015/2

 

Kitablar və ödəniş şərtləri haqqında

* Kitablar nəfis tərtibatda, yüksək poliqrafik keyfiyyətdə tərtib edilir;

* Nəşrlərin əksəriyyəti Azərbaycan dilində ilk dəfə çap olunur;

* Tiraj məhduddur;

* Kitablara abunə yazılan oxuculara 20% endirim ediləcək;

* Ödəniş çatdırılma zamanı ediləcək;

* Çatdırılma haqqı - 7 kitabdan artıq pulsuzdur (az olarsa 2 AZN ödənilir).

Artıq abunə yazılmış şəxslərin nəzərinə: hər gətirdiyiniz yeni abunəçiyə görə sizə "Xəzər" jurnalının növbəti sayı hədiyyə olunacaq.

 

Əsas şərtlər:

1. "Tərcümə Mərkəzinin kitabları" seriyasına abunə yazılan hər bir şəxs siyahıda göstərilən kitabları dəst şəklində, tam olaraq almalıdır.

2. Alarkən çapdan çıxma ardıcıllığı gözləniləcək, kitabların alınması arasında fasilə ən çoxu 2 ay çəkməlidir. Əks halda, abunəlik ləğv olunacaq;

3. Depozit (15 manat) toxunulmayan məbləğdir və abunə yazıldığınız il sonuncu nəşrlərdə nəzərə alınacaq.

Qeyd: "Tərcümə Mərkəzinin kitabları" seriyasından nəşr olunan kitablar haqqında məlumatı Açıqkitab - elektron kitabxanasından (achiqkitab.az) və Tərcümə Mərkəzinin aztc.gov.az ünvanlı rəsmi saytına daxil olmaqla, "Nəşrlərimiz" bölməsindən ala bilərsiniz.

 

Azərbaycan Respublikasının Nazirlər Kabineti yanında Tərcümə Mərkəzi

Ünvan: Bakı şəhəri, Nəsimi rayonu, Topçubaşov küçəsi 74.

Telefon: (+994 12) 595-10-69

Faks: (+994 12) 595-10-59

E-mail: [email protected]