Patrik Modiano - QARANLIQ OTAQLAR KÜÇƏSİXüsusi polis agenti Qay Rolandı illər öncə yoxa çıxmış, tanımadığı bir
adamın axtarışına çıxmağa kim vadar edir? Uzun illər məruz qaldığı
amneziya xəstəliyimi?
Axtarış boyunca bu şəxs haqqında ətraflı
məlumat toplayır. Bəlkə də, bu şəxs elə onun özüdür. Əvvəlki adı Pedro
Mkevoy olan bu şəxsin gənclik illərinin Deniz Kudrez, Freddi Hovard de
Luz, Qay Orlou, Dede Vildmer, Skuffi, Rubiroza, Sonaşitze kimi tanışları
da, onun öyrənmək istədiklərinin şahididirlər.
Bakı, Qanun Nəşriyyatı, 2015, 212 səhifə. 1000 tiraj
Fransızcadan tərcümə: Aysel Namazəliyeva
Redaktor: Əziz Rzazadə
Aqata Kristi - SƏSSİZ ŞAHİD “Səssis şahid” Aqata Kristinin dramatikliyi ilə seçilən romanlarından
biridir. Əsərdə Erkül Puaronun öz iti zəkası, fəhmi ilə daha bir cinayət
hadisəsinin üstünü açmasından bəhs edilir. Bu cinayət də çox zaman
olduğu kimi tamah məqsədilə törədilib. Həm də qatil bir özgəsi deyil,
qurbanın yaxın qohumlarından biridir. Lakin bu, onlardan hansıdır? Çünki
özündən sonraya xeyli miras qoyub gedəcək yaşlı qarının ölümündə az
qala qohumunun hamısı maraqlıdır. Bununla belə onlardan biri tələsib və
qarının öz əcəli ilə ölümünü gözləməyib. Əsərin sonunda Puaro oxucular
üçün də gözlənilməz olaraq sahibə xanımın ölümünü kimin təşkil etdiyini
tapır.
Bakı, Qanun Nəşriyyatı, 2015, 168 səhifə. 1000 tiraj
Tərcümə: Ülviyyə Ağayeva
Redaktor: Xalid Kazımlı
