Yazıçı Seymur Baycanın “Adsız itin qayıdışı” kitabının təqdimatı olub.

Kitab 12 yaşdan kiçik uşaqlar üçün qələmə alınmış 26 hekayədən ibarətdir. Hekayələrin 20-si artıq mətbuatda çap olunub, altısı əvvəl heç yerdə çap olunmayıb.

"Adsız itin qayıdışı"nda müəllifin sovet dövrü və ondan sonrakı dövrə aid xatirələrinə geniş yer verilib.

Seymur Baycan “Oxu Zalına” bildirib ki, bu kitabın çıxmasını bütün əvvəlki kitablarından daha çox gözləyib və üzərində xeyli müddət işləyib. Kitab “Alatoran” yayınlarında çap olunub. /Oxuzali.az/