Aprelin 11-də Kitabevim.az-da gənc yazar-şairə Jalə İsmayılın "Birnəfəsə" adlı şeirlər kitabının təqdimatı keçirilib.

Mərasimdə yazarın dostları, oxucuları və yazarlar iştirak edib.


"...birnəfəsə yazılmış şeirləri oxuyanda, görürsən ki, bu şeirlər məhz elə yanından ötüb keçənləri tezcə fiksə etməyi bacaran birinin yazdıqlarıdı. Və qəribə də olsa, sanki bu şeirlər yazılmayıb, uzaq yol gedəndə ürəyimizdə özümüzlə danışdığımız kimi doğulub, dilin ucunda bəstələnib. Amma həm də müxtəlif formalara müraciət, düşünülmüş struktur, daxili bağlar adama əsas verir desin ki, bu şeirlər nə yazdığını bilən, ağıllı, ayıq bir müəllifin yazdıqlarıdır..."

"Birnəfəsə" kitabına yazdığı ön sözdə şair-esseist Qismət belə deyir. "Birnəfəsə" Jalə İsmayılın ikinci kitabıdır.