Səxavət Sahil: İstedad özünü yetişdirməkdir - MÜSAHİBƏ

12.02.15

Modern.az saytı gənc yazarlarla müsahibələrini davam etdirir. Budəfəki müsahibimiz gənc yazıçı, artpress.az saytının rəhbəri Səxavət Sahildir.

- Əvvəlcə indiki yaradıcılıq fəaliyyətiniz barədə danışın?

- Hazırda yeni yazdığım “İsanın qayıdışı” adlı romanın redaktəsi ilə məşğulam. İki variantda yazmışam, birinci variantı şifahi nitq əsasındadır, digər variant isə hamının ədəbi dil adlandırdığı formadadır. Hərçənd ki, mən ədəbi dil norması anlayışını qəbul etmirəm, bunu tam cəfəngiyyat və əsassız sayıram. Çünki hamı eyni dil çərçivəsində yazacaqsa, bu yazıçılıqdan çox kütləvi inşa olacaq. Yazıçının öz dili, öz üslubu olmalıdır. Yoxdursa, müəllifin kimliyindən asılı olmayaraq, hamı eyni xorda oxuyacaq.
Ara-sıra şeirlər də yazıram, ədəbi-ictimai fikirlərimi də yeri gəldikcə deməyə çalışıram.

- Sənin fikrincə, gənc yazarlar arasındakı istedadların sayı nə qədərdir?

- Bilirsiniz, həmişə istedad məsələsinə başqa cür yanaşmışam. Hesab edirəm ki, istedad şərti məsələdir, heç nəyi həll etmir. Yazıçının, şairin düşüncə qabiliyyəti, ümumiləşdirmə təfəkkürü, analiz fəhmi və xüsusən də davamlı mütaliəsi yoxdursa, ondan danışmağa dəyməz. Beş-altı şeir, bir-iki hekayə yazıb ortaya atılanlar hər zaman olub, gənclik ehtirası ilə nəsə yazmaq o demək deyil ki, sən istedadlısan. İstedad özünü yetişdirmək, özünü yaratmaqdır.

Bizim gənclərə gəldikdə, özünü təsdiq edən, öz potensialını göstərən yazarlar  göz qabağındadır. Adlarını sadalamasam da, hesab edirəm ki, kifayət qədərdir.

- İndiki ədəbi gənclikdə ən çox razılaşmadığın  məqamlar hansılardır?


- Mənim razılaşıb-razılaşmamağım nəyisə dəyişmir. Gəncliyin fikirlərinin əksəriyyəti ilə razıyam. Razılaşmadığım məqam odur ki, ədəbiyyatla məşğul olmurlar, düşüncə, mütaliə dairəsini genişləndirmirlər. Təkcə Azərbaycan və türk ədəbiyyatı ilə kifayətlənmək məhdudluqdur. Bunlarla razılaşmıram, amma kiməsə ağıl öyrətməkdən də uzağam.

- Ədəbiyyatda kimlər  zaman-zaman sizə mane olmağa çalışıblar?

- İndiyə qədər belə hallara rast gəlməmişəm. Kimsə şəxsi münasibətlərə görə nəsə eləməyə cəhd edib, kiməsə yaltaqlıq etmədiyimə görə məni uzaq saxlayıblar. Bu da məni narahat eləmir. Mən heç vaxt “kruq ədəbiyyatı”nda olmamışam.

- İndiyə qədər şair kimi ən çox nə qədər qonorar almısan?


- Hamı bilir ki, bu gün bizdə qonorar olduqca çətin məsələdir. Yenə nəsrə və ya tərcüməyə az-çox qonorar verirlər. Şeirə gəldikdə, bunu demək mümkün deyil. Qonorar almışam, amma çox az olduğu üçün məbləği demək gülməli görünər. Ona görə rəqəmi açıqlamayacam.

- Əvvəl ədəbi dərnəklər var idi, hər yazıçının hansı dərnəyə aid olduğunu yaxud, olmadığını bilmək mümkün idi. Necə düşünürsən, indi bəzi ədəbi portallar həmin dərnklərin rolunu oynamırlar?

- Təbii ki, indi dövr dəyişib ədəbi dərnəklərin əhəmiyəti minimuma enib. Baxmayaraq ki, indi də bu kimi dərnəklər var. Bu funkusiyanı indi ədəbi portallar, ədəbi nəşrlər yerinə yetirir. Onların öz qaydaları, öz tələbləri var. Bu ədəbi portalların daimi müəllifləri var və onlar ardıcıl yazılar yazmaqla, ardıcıl çıxış etməklə hardasa dərnək kimi olmasa  da, ədəbi qurum, ədəbi birlik təsiri bağışlayırlar.

- Özün də sayt rəhbərisən. Saytınızda obyektivlik meyarları necə qorunur?


- Rəhbəri olduğum Artpres.az mədəniyyət portalı daha çox ədəbiyyat yönümlüdür. Təkcə ədəbiyyat istiqamətli olması, haradasa oxucu məhdudluğuna gətirib çıxarır. Buna görə biz mədəniyyətin digər sahələrinə də yer veririk. Obyektivlik meyarlarını isə müstəqil və peşəkarlıqla qorumağa çalışırıq. Qalmaqallı və qərəzli yazılardan uzaq olmaq, ciddi və maraqlı mətnlər dərc etmək bizim portalın əsas məqsədidir.

- Səncə, bizdə niyə bəzi tanınan imzalar layiqli əsərləri asanlıqla “yeyə” bilir?  Məsələn, bir də görürsən ki, çox tanınmayan birinin gözəl mətni, tanınan imzanın zəif mətni yanında kölgədə qalır...

- Bununla mən də rast gəlmişəm. Bizim ədəbi aləmdə daha çox şəxsi münasibətlər, qonaqlıqlar üstün olduğundan, bu faktlar daha qabarıq görünür. Saytlara, nəşrlərə gəldikdə, bunu təbii qarşılamaq məcburiyyətindəyik. Ona görə ki, sayt oxucu sayı və satış məsələsini önə çəkir. Amma istənilən halda, istedadın qarşısını kəsmək düzgün deyil.

- Bir neçə gün öncə yeni jurnalınızın ilk sayı işıq üzü gördü. Uğurlu olsun. Bir az da o haqda danışaq. Maliyyə problemi ilə üzləşmisinizmi?

- “Avanqard” ədəbiyyat jurnalı ədəbiyyata və mədəniyyətə xidmət edir. Bizdə ədəbi nəşrlərin çoxu standartlardan kənara çıxa bilmir və yalnız özünə yaxın dairələri təbliğ etməklə məşğuldur. Ona görə tam müstəqil ədəbi nəşr yaratmaq qərarına gəldik. İstedadlı yazar Kənan Hacı ilə birgə yaratdığımız bu jurnalın ilk nömrəsi çap olundu. Artıq müsbət reaksiyalar var, yaxşı qarşılanıb.

Bilirsiniz, müstəqil, peşəkar jurnal nəşr etmək indiki dönəmdə çətindir. Üstəlik maliyyə səbəbindən, qonorar vermək imkanı olmadığından çap olunmamış mətn tapmağın da öz çətinliyi var. Lakin biz müstəqilliyi qoruduq, ciddi mətnlərə də yer verdik və çap olunmamış materialları nəşr etdik.

Jurnalın maliyyə məsələsinə gəldikdə, öz gücümüzə çap etmişik. Mədəniyyətə xeyirxahlıqdan danışanlar, ədəbiyyata qayğıdan dəm vuranların heç biri dəstək durmayıb. Yəqin ki, səsimizi eşidib, nəsə düşünərlər.

Elmin NURİ, Modern.az

Yenililklər
23.10.20
Fərid Hüseynin yeni kitabı çap olunub
23.10.20
Rövşən Xasayoğlu - Azərbaycan, gözün aydın...
20.10.20

Azərbaycanın dörd yazıçısının əsəri Fransada çap olunub

15.10.20
“The Role of the Personality in History” adlı VIII Uluslararası Sempozyuma davet
23.09.20
“Sufi və şeir – Osmanlı təsəvvüf şeirinin poetikası” kitabı Azərbaycan dilində nəşr olunub
23.09.20
Nobel mükafatları bu il ənənəvi qaydada təqdim edilməyəcək
23.09.20
Komiks müsabiqəsi üçün müraciətlər açıq elan edilib
23.09.20
Qazaxıstanda Əbdürrəhim bəy Haqverdiyev və Üzeyir Hacıbəyliyə həsr edilən beynəlxalq konfrans keçiriləcək
23.09.20
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.20
Azad Qaradərəlinin kitabı rus dilidə çap olunub
22.09.20
“Mədəniyyət/Culture” jurnalının növbəti nömrəsi işıq üzü görüb
22.09.20
A.P.Çexovun Yaltadakı ev muzeyindən reportaj
21.09.20
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.20
Kənan Hacı “MÜCRÜ” ədəbiyyat dərgisinə baş redaktor təyin edildi
21.09.20
Açıq səma altında tamaşa nümayiş olunub
21.09.20
"Naxçıvan ədəbi mühiti Şərq-Qərb kontekstində" təqdim edilib
17.09.20
Ədəbiyyat İnstitutu vakant vəzifələri tutmaq üçün müsabiqə elan edir
17.09.20
"H`Ayların və Armenlərin mənşəyi" kitabı nəşr olunub
16.09.20
Nadir Əzhəri - Modernizm və postmodernizmin xüsusiyyətlərinin müqayisəsi
16.09.20
Buker mükafatının qısa siyahısı açıqlanıb
15.09.20
Mədəni İrsin Qorunması, İnkişafı və Bərpası üzrə Dövlət Xidmətinə rəis müavini təyin edildi
15.09.20
Dövlət qoruqlarını idarəetmə səlahiyyəti Dövlət Turizm Agentliyinin Qoruqları İdarəetmə Mərkəzinə verilib
14.09.20
“Filologiya və sənətşünaslıq” jurnalının növbəti nömrəsi nəşr olunub
14.09.20
Seymur Baycanın romanı Polşada nəşr edildi
14.09.20

Hacı Zeynalabdin Tağıyevin heykəli yaxın zamanlarda ucaldılacaq

14.09.20
İtaliyada 77-ci Venesiya kino festivalına yekun vurulub
11.09.20
Soylu Atalı - Doğruluğun halallığı
11.09.20
Şəkidə qədim yaşayış məskəni aşkarlanıb
11.09.20
“Azərbaycan mədəniyyətində akkulturasiya və folklor” kitabı çapdan çıxıb
11.09.20
Venesiyada ikinci “Müqəddəs Markın şiri” mükafatı təltif olunub
10.09.20
Umberto Eko - Ədəbiyyatın bəzi funksiyaları haqqında
10.09.20
Vaqif Yusifli - Elm fədaisi
10.09.20
"Axtarışlar" jurnalının yeni sayı çıxıb
09.09.20
Etimad Başkeçid - “Dost”, “dost” deyə-deyə...
09.09.20
Anar Şamil - Mənimlə danış
09.09.20
Fərid Muradzadə - Ünvana çatmayan əmanət 
09.09.20

Belçika şirkəti Fikrət Əmirovun “Kor ərəbin mahnısı” əsərinin mənimsənilməsini etiraf etdi

08.09.20
Elmi-fantastika janrında hekayə müsabiqəsi elan olunub
08.09.20
Kosmosda uzun müddət qalmağın baş beyinə təsiri araşdırılıb
08.09.20
Təranə Vahid - Uçan buludlar
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.