Dominik Venner

Dominik Venner - Fransız yazıçısı, tarixçi, publisist, eynicinsli nikahların qatı düşməni.
21 may 2013-cü il. Dominik Venner Parisin Müqəddəs Ana kilsəsi qarşısısında, milyonlarla turistin gözü önündə tapancasını başına tuşlayaraq həyatına qəsd edir.

Ölümöncəsi məktub. Dominik Venner.
Bütün xalqların və millətimin naminə.

Mənim bədənim sağlam, ağlım isə yerindədir. Mənim ürəyim, həyat yoldaşıma və övladlarıma olan məhəbbətlə doludur. Həyatımın dumanlı sonluğuna yaxın, Fransaya və Avropaya qarşı yaranmış təhlükəni hiss edərək həyatımın və taleyimin əksi istiqamətinə hərəkət etmək istəyirəm. Mən hesab edirəm ki, özümə qarşı törədəcəyim sui-qəsd, xalqı qəflət yuxusundan ayıltmağa səbəb olacaq. Bu aktı həyata keçirmək üçün qarşımda dayanan ən önəmli məsələ simvolik məkanın seçilməsidir. Bu səbəbdən  mən, əsrlər boyu mədəniyyətimiz və adətlərimizin qoruyucusu sayılan məkanı - Parisin Müqəddəs Ana Kilsəsini seçirəm.

Bu intihar, bizi kökümüzdən və adətlərimizdən uzaqlaşdıran zəhərverici qüvvələrə qarşı  yönəlib. Bu hərəkət onlara üsyandır. Fransa və Avropa qulağına qədər ikili standartlar çirkabına bulaşıb. Və nə vaxtsa bunun cavabını ödəməli olacaq.

Qarşımızda mayak olub, bizə yol göstərən qüvvə yoxdur, amma, hələ Homerin dövründən irsi adət və ənənə yaddaşının daşıyıcılarıyıq. Bu genetik yaddaş kodu, hal-hazırda dünyanı cənginə alan fəlakətlərdən bizləri xilas etmək üçün yetərli olacaq.

Mən öncədən, intiharımla  həyatını acıya bürüyəcəyim insanlardan üzr istəyirəm. Amma, mən inanıram ki, əsl həqiqəti bildikdən sonra onlar mənimlə qürur duyacaqlar.

21 may 2013-cü il. Səhər. Vennerin ölümündən öncə, essesi dərgilərdə yayımlanır. Bütöv mətn, insanları qəflət yuxusundan oyatmağa xidmət edir.
Bu müddət ərzində Fransa Parlamenti Eynicinsli nikahların leqallaşdırılmasının müzakirəsinə hazırlaşır və bu istiqamətdə qanun layıhəsinin çıxarılmasını qətiləşdirirdi.
Vennerin həyatına qarşı yönəlmiş sui-qəsdi bir protesto idi. Üsyan idi. O dəfələrlə qələm yoldaşlarını, ziyalı kəsləri bu qanunun əleyhinə qalxmağa və birgə etiraz etməyə səsləyirdi. Ölümündən öncə öz saytında bu haqda söhbət açır və insan beynini silkələməyə çalışır.

Milyonlarla turist qarşısında tapancasını beyninə sıxan yazıçı, bu hərəkəti ilə Parlamentin çıxaracağı qanuna mane olacağını düşünürdü, amma, ölümündən 1 həftə sonra 28 may 2013-cü ildə Fransa Parlamenti “Eynicinsli nikahların leqallaşdırılması ”haqda  qanunu təsdiq edir. Həmçinin bu nikahlara övladlığa götürmə hüququnu verərək , qanuna əlavə edir...