Səlim Babullaoğlu: “Məni ruhdan salmaq istəyirdilər” – MÜSAHİBƏ
03.07.13

Səlim Babullaoğlu: “Ümid edirəm, “Dünya Ədəbiyyatı” jurnalının təkrar nəşri qurultayqabağı aksiya olmayacaq”

Azərbaycan Yazıçılar Birliyinin təsisisi olduğu “Dünya Ədəbiyyatı” jurnalı 5 illik fasilədən sonra yenidən nəşr olunacaq. Jurnalın baş redaktoru, şair Səlim Babullaoğlu ilə müsahibədə dərginin bundan sonrakı fəaliyyətinə aydınlıq gətirməyə çalışdıq.

- İlk olaraq sualım sizin jurnalın çapının dayanması ilə bağlıdır. Niyə jurnalın çapı dayanmışdı?

- Bilirsiz, jurnalın çapının dayandırılması, yaxud dayanması məndən asılı, mənimlə bağlı məsələ deyildi. Mənim masamın üzərində indinin özündə jurnalın 2-3 sayına bəs edən qədər tərcümə mətnləri var. Qaldı sualınıza, yəni niyə dayandırıldı? Mən bunu əsaslı arqumentlə izah edə bilmərəm. Səbəb kimi maliyyə məsələləri göstərilirdi. Bu mənə görə həmişə qeyri-ciddi səbəb olub. 

- Bəs ciddi səbəb nə idi?

- Bilmirəm. Jurnalın məsələsini mən dəfələrlə Azərbaycan Yazıçılar Birliyinin katibliyində, fərdi söhbətlərdə qaldırmışdım. Yazılı, şifahi. Görünür, elə adamlar vardı ki, bizim işimizi görməzdən gəlmək istəyirdilər, belələri yenə də var, rəy yaradırdılar və sairə. Məni ruhdan salmaq istəyirdilər. Amma jurnal dayansa da, biz işimizi saxlamadıq, aşağı-yuxarı 25 kitab çap elədik dünya ədəbiyyatından. 

Sonra “525 kitab seriyası”nın redaktoru kimi o seriyadan 9 kitab dünya ədəbiyyatından çap elədik. Azərbaycan müəlliflərinin əsərlərinin xaricdə təbliği və nəşri, tərcüməsi işində xeyli iş gördük, aşağı-yuxarı 30 jurnal-kitab nəşri gerçəkləşdirdik. 10-12 beynəlxalq tədbirin keçirilməsinə nail olduq. Səfirliklərlə, beynəlxalq fondlarla işlədik. Bir sözlə, işimizi davam elədik. Bu gün də edirik, sabah istənilən başqa formatda da bu işi davam etdirəcəyik. 

- Jurnalın yenidən nəşrə başlaması qərarı niyə verildi?

- Mən bu məsələni çox qaldırmışam. Deyirsiz, niyə qərar verildi ki, jurnal nəşr olunsun. Onun dünən dayandırılmasının əsaslı arqumenti olmadığı kimi, bu gün nəşrinin də arqumenti olmamalıdır. Jurnal yaradılıbsa, demək, nəşr olunmalıdır. 

Ümid edirəm, bu, qurultayqabağı birdəfəlik aksiya olmayacaq. Hərçənd gizlətməyim, mən bu il üçün bir say nəşr etməyi düşünürəm, amma istəyərdim ki, junalın nəşri mütəmadi hala gəlsin, ona daha gənc, enerjili, başqa adam rəhbərlik eləsin sonra.

- “Dünya ədəbiyyatı” nə qədər tirajla çap olunurdu? Digər jurnallardan nə ilə fərqlənmək istəyirsiniz? Oxucu kütləsi yığmısınızmı?

- Biz dəbə köklənmiş, vərdiş olunmuş müəlliflərin əsərlərinə üstünlük vermədik heç vaxt. Jurnalı yaradanda elə müəllifləri və əsərləri təqdim etməyi düşünürdük ki, təkcə sıravi Azərbaycan oxucusu üçün yox, həm də peşəkarlar üçün təzə olsun. Buna da nail olduq. XX əsrin II yarısının müəllifləri üstünlük təşkil edirdi. Bundan sonra əgər jurnalın nəşri mütəmadi olacaqsa, bu prinsipə sadiq qalacağıq. 

Biz Azərbaycan oxucusuna Miloş, Sepehri, Herbert, Oden, Bərahəni, Paviç, Züskind və onlarla başqa müəllifləri qazandırdıq. Orxan Pamuku ilk dəfə biz çap elədik. Ümumiyyətlə, müstəqillik illərinin ilk tərcümə kitab seriyasını yaratdıq. Az əvvəl bəzi başqa işlərimizdən danışdım. 

Əlbəttə, oxucularımız var. Düzdür, tiraj böyük deyil, 300-500. Amma məncə, bu tirajı 1000 -ə qədər qaldırmaq olar və marketinq işi düzgün qurularsa, bu tiraj özünü doğruldar. Bizim nəşr olunan saylarımızın daimi oxucuları vardı. Düşünürəm, bundan sonra da olacaq. Yaşayarıq, görərik. Jurnalın daimi işci ştatı yoxdur.  İdarə heyəti var, əlbəttə. Həm yerli, həm də beynəlxalq redaksiya heyəti. Biz bütün bu məsələlərə yenidən qayıdacağıq. 

- MKM-in nəticələri açıqlandı. Bu barədə fikirlərinizi bilmək istəyərdik. Bir ədəbiyyatçı kimi nəticələrdən razısınızmı?

- Ümumiyyətlə, mən bu hadisələrdən uzaqda qalmaq istərdim. Bütövlükdə  isə Zakir Sadatlının qələbəsini obyektiv hesab edirəm.Allah ona rəhmət eləsin. O yaxşı nasirdi, publisistdi.

- Bəzi yazarlar deyir ki, son dövrlər ədəbiyyatda sakitlik, süstlük müşahidə olunur. Sizcə, bu belədirmi? 

- Razı deyiləm. Köklü şəkildə doğru deyil. Ədəbiyyatımız dinamikdir. Maraqlıdır. Rəngarəngdir. Bəlkə, heç vaxt olmayan qədər. Sadəcə adamları televiziyanın, şou proqramların estetikası korlayıb. Onlar nə gözləyirlər?  Gözləyirlər ki, kitablar kitab rəflərində qışqırsınlar. Desinlər ki, “şok”, “şok”, “az sonra...” Ya da, eey, bizi oxuyun, anlayın. Elə şey yoxdur. Bizim adamların  böyük əksəriyyətinin təfəkkürə təhəmmülü yoxdur, tabı yoxdur. Kitablar elə  onun üçündür ki, qışqırmağı tərgidəsən, pafosu unudasan. Hər şey çox  yaxşıdır. 

- “Yazmaq nədir? Siz yazanda hansı hissləri keçirirsiniz?” kimi suallara münasibətiniz yaxşı olmamalıdır...

- Yox, niyə... Baxır sualı kim verir... İroniya ilə sual verən ironik, ciddi sual verən isə ciddi cavab alır. Əslində o suallar ciddi suallardır. Yəqin həm bu sualların ciddiliyi, həm tez-tez verilməsi mənə “Müsahibə” adlı şeir də yazdırıb. “Polkovnikə heç kim yazmır” kitabına daxil edilib həmin şeir.

- Öz yaradıcılığınız barədə soruşmaq istəyərdik. Yaradıcılığınız nə yerdədir? Hansısa yeniliklər gözlənilirmi?
- Yaradıcılıq, xüsusən şeir yaradıcılığı planlı fəaliyyət deyil. Sporadik hadisədir daha çox. Odur ki, mən hər gün 1-2 saat özüm üçün hökmən nəsə oxumağa cəhd edirəm, oxuyuram və bunun da əksər hissəsi şeirin payına düşür. Həm dünya şeirindən, həm özümüzünkülərdən. Üstəgəl, gündəlik məcburi işləri, redaktə və tərcümə oxuları. Hər gün nələrisə düşünürəm, qeyd edirəm. Müşahidələri, oxuduqlarımla polemik xarakterə malik olan qeydlərimi edirəm. İşsiz durmuram. 

Daha çox redaktələr edirəm, dilimizə əsərlər çevirirəm. Bir neçə kitab hazırlayıram. Tərcümə kitabları. Köhnə tərcümələr var ki, onların təzə nəşrlərini redaktə edirəm.
Amma indi belə deyək, işçi adı “Poetik təqvim” olan növbəti şeir kitabı üçün şeirləri düşünürəm. Onların yeddisi yazılıb. Beşi də yazılmalıdır. Kitabın konsepsiyasına uyğun əlbəttə.

- Yaxın günlərdə "Polkovnikə heç kim yazmır" adlı şeir kitabınızı təqdim  etdiniz, oxucuların ixtiyarına buraxdınız. Kitab necə qarşılandı?

- Bilirsiz, bu suala bir dəfə cavab vermişəm. Mən məhsuldar adam deyiləm.   

Şair kimi. Və hətta hesab edirəm ki, şair məhsuldar olmamalıdır. Yəqin ona görə ki, şeir sənaye üsulu ilə yazılmır, olmur. Yəni, deməyim budur ki, mənim o  kitaba daxil elədiyim şeirlər mətbuatda, saytlarda çap olunmuşdu və mən zövqünə inandığım adamların, peşəkar ədəbiyyatçıların və oxucuların əksərən rəyini bilirdim. Mən bilirəm ki, mənim şeirlərimi hansı tip oxucular qəbul edə bilər, kimlər isə yox. Odur ki, indi mənim razıyam, narazıyam deməyim artıq olardı. 
Oxucular kitabı aldılar, 150-ə yaxın kitab alındı. Xeyli pozitiv çıxışlar da oldu. Bu gün də var. Sonra nolacaq?! Bunu birmənalı  demək olmaz. Sevənlər də olacaq, qəzəblənən də. Amma mən yazdıqlarıma görə narahat deyiləm və bu 15 ildir belədir.

Əvvəllər mənə tez-tez deyirdilər ki, sənin şeirlərində həyat yoxdur və sair, bu da məni hirsləndirirdi, lap düzü, hirsləndirmirdi, anlaşılmaz vəziyyətə salırdı. 

Heyrətləndirirdi. Sanki opponentlərim bütün oxuduqları müəlliflərin yazılarında öz həyatlarını görürlər. Sonra isə bir şeirimdə belə bir şey yazdım, daha çox özümü həmin məntiqsizlikdən və anlaşılmazlıqdan xilas üçün:

Bilirsiz, uşaqlar, mənə şeirlərində həyat yoxdur deyirlər,
Bilirsiz, onlar həyat deyəndə yalnız özlərini, 
Yalnız öz ömürlərini nəzərdə tuturlar, 
Mən onları qınamıram, 
Çünki onların başqa həyatı yoxdur
Və bu daha yaxşıdır...

Elmin Bədəlov

/teleqraf.com/

Yenililklər
27.11.20
Elnarə Qaragözova- Kamal Abdullanın postmodern nəsrində oxşar obrazı
27.11.20
Vilayət Quliyev - Kəndimizin erməniləri
27.11.20
Təranə Vahid - Qorxu çiçəkləri
27.11.20
Mərahim Nəsib - Səni də dəyişən noyabr oldu
24.11.20
Qulu Ağsəs - Ağ alınlı qızılı atların vətəni
24.11.20
“Xaqani Şirvani həyatı və yaradıcılığı” kitabı çap olunub
17.11.20
Ermənilərin alban məbədlərinə iddialarının əsas səbəbləri nədir?
17.11.20
Professor Şamil Salmanovun seçilmiş əsərləri nəşr olunub
17.11.20
Hüseyn Cavidin “Knyaz” faciəsi ilk dəfə ayrıca kitab halında nəşr olunub
17.11.20
Beynəlxalq və yerli ekspertlər Şuşaya səfər edəcəklər
17.11.20
Mədəniyyət Nazirliyinin əməkdaşları işğaldan azad edilmiş torpaqlara təhkim olunub
17.11.20
Rocer Fritsin "Maqnit insanlar" kitabı Azərbaycanda nəşr edilib
16.11.20
Gülnar Səma -  Kəndimizin könüllü şəhidi
14.11.20
Türkiyədə mühacir yazıçı və jurnalist Məmməd Sadiq Aran haqqında kitab çap olunub
14.11.20
Nadir Əzhəri: “Uçan buludlar” hekayəsində modern baxışın izləri
14.11.20
Prezident təqaüdçüsü müharibə uşaqlarına kitab həsr etdi
14.11.20
Yohannes Keskinen: “O dönəmdə Moskva yönətimi "parçala və hökm sür" siyasətini fəal bir şəkildə həyata keçirirdi”
13.11.20
Musa Yaqubdan 50 yaşlı möhtəşəm Şuşa şeiri
13.11.20
“Bəhlul” jurnalı ilk dəfə transfonelitersiya edilərək çap olunub
13.11.20
“Nobel qardaşlarının ilk uğuru” filmi ölkəmizi beynəlxalq festivalda təmsil edəcək
13.11.20
Bəstəkarlar İttifaqı “Azərbaycan bəstəkarları və musiqişünasları” layihəsi üzrə öz fəaliyyətini davam etdirir
13.11.20
TÜRKSOY-un Baş katibi: "Türk aləminin mədəniyyət xadimlərinin səsləri Şuşadan dünyaya yayılacaq"
13.11.20
Nailə Adilqızı - Ucalsın göylərə bu haqq səsimiz
12.11.20
Səadət Kərimi: “Biz birləşib, güclü və qətiyyətli olanda Tehranın da, Kremlin də polemikası dəyişir”
12.11.20
Şuşanın Tarixi Mərkəzi dünya irsi elan edilməsinə layiqdir
12.11.20
Azərbaycan ərazisində xristian dini mirasının qorunmasını daim diqqətdə saxlayacağıq
23.10.20
Fərid Hüseynin yeni kitabı çap olunub
23.10.20
Rövşən Xasayoğlu - Azərbaycan, gözün aydın...
20.10.20

Azərbaycanın dörd yazıçısının əsəri Fransada çap olunub

15.10.20
“The Role of the Personality in History” adlı VIII Uluslararası Sempozyuma davet
23.09.20
“Sufi və şeir – Osmanlı təsəvvüf şeirinin poetikası” kitabı Azərbaycan dilində nəşr olunub
23.09.20
Nobel mükafatları bu il ənənəvi qaydada təqdim edilməyəcək
23.09.20
Komiks müsabiqəsi üçün müraciətlər açıq elan edilib
23.09.20
Qazaxıstanda Əbdürrəhim bəy Haqverdiyev və Üzeyir Hacıbəyliyə həsr edilən beynəlxalq konfrans keçiriləcək
23.09.20
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.20
Azad Qaradərəlinin kitabı rus dilidə çap olunub
22.09.20
“Mədəniyyət/Culture” jurnalının növbəti nömrəsi işıq üzü görüb
22.09.20
A.P.Çexovun Yaltadakı ev muzeyindən reportaj
21.09.20
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.20
Kənan Hacı “MÜCRÜ” ədəbiyyat dərgisinə baş redaktor təyin edildi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.