Kənan Hacı: “Roman üçün yaş senzi qoymaq gülməlidir” - MÜSAHİBƏ
28.06.13


İstedadlı yazar Kənan Hacının müsahibəsi


- Sizcə, ədəbiyyat nədir?

- Ədəbiyyat insanın ən azad olduğu sahədir. Ədəbiyyat heç bir qadağa tanımır. Mən ədəbiyyat adlı vətənimin ən azad vətəndaşıyam. Ədəbiyyat mənim üçün ayrıca, özünün ab-havası və hərarəti, özünün sevinc və kədəri olan bir dünyadır. Həyatımızı istədiyimiz kimi yaşaya bilmiriksə, ədəbiyyat bizim üçün ən böyük təsəllidir. Həyat insanı qocaldır, amma ədəbiyyat insanı həmişə diri saxlayır, insan sevgisini ölməyə qoymur. Ədəbiyyat həyata alternativ bir dünyadır. Mən ədəbiyyatı buna görə sevirəm. 

- Həyatınızı dəyişən kitab olubmu?

- Konkret bir kitab olmayıb. Amma mən uşaqlıqdan çoxlu nağıllar oxumuşam. Azərbaycan nağılları mənim ilk sevgim olub. Ədəbiyyatı mənə sevdirən o nağıllar olub. Bu mənada o nağıllar bəlkə də mənim həyatımı dəyişib.

- Qələm adamları həyata qarşı pessimist baxışlı olurlar.

- Bu pessimizmin kökündə realist düşüncə dayanır. Mən indiyəcən fatalist düşüncəli qələm adamına rast gəlməmişəm. Qələm adamları dünyanı daha dərindən dərk edirlər. Rəhmətlik Hüseyn Arifin bir şeiri var, deyir: “bu dünya düzəlsə, dədəmə lənət!” Dünyanın heç vaxt “düzəlməyəcəyi” qənaətinə gələn şair necə optimist ola bilər? Yazıçı biləndə ki, onun yazdığı söz hansısa bir körpənin göz yaşını kəsməyəcək, müharibələri saxlamayacaq, o, necə pessimist olmasın?! Dünya yaranandan şairlər dünyanın faniliyindən, həyatın puçluğundan gileyləniblər. Bundan sonra da yəqin ki, belə olacaq. Heç nə düzəlməyəcək. Bəlkə də yazıçıya, şairə kədər xəstəyə dərman kimi gərək olur…

- Tanınmış professor Niyazi Mehdi deyir ki,  Azərbaycanda postmodernist yazıçı yoxdur. Bizdə bu cərəyanın heç qığılcımları da görsənmir?

- Postmodernizm dünyada artıq keçilmiş bir mərhələdir. Bütün sahələr kimi biz də bu cərəyandan ən sonda xəbər tutanlardan olduq. Azərbaycan sovet dövründə bütün cərəyanlara qapalı bir ölkə idi. Dünya ədəbiyyatında gedən proseslərdən xəbər tuta bilmirdik. Ədəbiyyat bəlli bir ideologiyanın vintciyinə çevrilmişdi. Məhz bunun nəticəsidir ki, dünyanın maraqla oxuduğu yazıçıların əsərləri hələ də bizim dilə tərcümə olunmayıb. Niyazi Mehdi böyük fikir və düşüncə adamıdır, filosofdur. O, bu sözü elə-belə demir. Azərbaycanda, doğrudan da, postmodern əsər yox dərəcəsindədir. Kamal Abdullanın “Yarımçıq əlyazma”, “Unutmağa kimsə yox” romanlarını müəyyən mənada postmodern əsər adlandırmaq olar. Amma başqa kimləri demək olar? Söyüşlə əsər yazmaq hələ postmodern yazı anlamına gəlmir. Postmodernizmin konkret postulatı yoxdur. Bu cərəyan dekonstruktiv düşüncəyə əsaslanmış dağınıq bir cərəyandır. Bizim yazıçılarımızın hansı birinin əsərini postmodernizmə aid edə bilərsiniz? Niyazi Mehdi müəyyən dərəcədə haqlıdır. 

- Sizcə istedadsızla istedadlı yazarı necə fərqləndirmək olar? Onların üzərlərində daşıdığı özünəməxsus məziyyətləri var yəqin?

- İstedadsızla istedadlını ayırmaq üçün onların yazdığı mətnə nəzər salmaq kifayət edir. Bu, elə də çətin bir iş deyil. İstedaddan məhrum olan adam bir misrası, bir cümləsiylə özünü ələ verir. İstedadsız adamın hansı məziyyətlərindən danışmaq olar?

- Bəzən roman yazmağa yaş sərhədi qoyurlar(40-45 yaşdan başlayaraq) ancaq müasir ədəbiyyatımızda gənc romançılar kifayət qədərdir.

- Məncə, roman üçün yaş senzi qoymaq gülməlidir. Yazar özünü roman yazmağa hazır hesab edirsə, bunun üçün dil bazası, təfəkkür zənginliyi varsa, yaza bilər. Şoloxov “Sakit Don” kimi nəhəng əsəri 22 yaşında yazmağa başlayıb. 22 yaşında insan da zəngin həyat təcrübəsinə malik ola bilər. Amma həyatı öyrənmədən, dili bilmədən tez əlinə qələm alıb, tələsik roman yazan, sonra da iddiali-iddialı müsahibələr verən özündənmüştəbeh gəncləri görəndə düşünürsən ki, bunlara heç məsləhət vermək də lazım deyil. Onsuz da o məsləhəti eşitməyəcəklər. Amma zaman gələcək, yazdıqlarından xəcalət çəkəcəklər. O cızmaqaralardan utanacaqlar, tələsik çap etdirdikləri “roman”ı üzə çıxarmayacaqlar. Bu da onlar üçün yaxşı cəzadır. 

- Yazıçının öz əsərindən imtina etməsinə necə baxırsınız? Bu, keçmişini danmaq kimi görsənmirmi?

- Yazıçı da bir yaradıcı olaraq təkamül prosesi keçir və müəyyən müddətdən sonra yazdıqları ona zəif, əhəmiyyətsiz görünür. Bu, çox təbii bir prosesdir. Məsələn, İsa Hüseynov gənclikdə yazdığı bir sıra əsərlərindən imtina edib. “Dan ulduzu”, “Bizim qızlar”, “Yanar ürək” və sair. Əsərlərdən imtina etsə də, sonralar “Yanar ürək”i inkişaf etdirib “İdeal” kimi nəhəng əsər yazdı. Bu, keçmişi danmaq deyil, yazıçının inkişafının göstəricisidir.

- Ədəbiyytaçılar da artıq illərdir üzv olduqları qurumlara qarşı laqeyddirlər, kimi sorğuya tutursan yaxşı yazıçı olmağın kifayətliliyindən, hər hansı təşkilata üzv olmağın heç nəyi dəyişdirmədiyindən məsləhət verir. Əgər belədirsə AYB, AYO kimi qurumlar nəyə xidmət edirlər? Buradan daha bir fikir yarana bilər ki, bəlkə əsas fəliyyətləri elə sırf gənc yazarlara dəstək olmağ üçündür. Son vaxtlar keçirilən müxtəlif kitab təqdimatları, ədəbi yığıncaqlar, görüşlər daha çox cavan nəsillə bağlıdır.

- Mən dəfələrlə demişəm, yenə təkrarlamağa məcburam. Ədəbiyyat heç bir birlikdə yaranmır, ədəbiyyat fərdi sahədir. Yazıçılar Birliyi heç kəsə yazmağı öyrətmir və heç kəsin də istedadını əlindən alası deyil. İstedad Allah vergisidir. Ədəbi qurumların olması heç də pis deyil. Bütün dünyada müxtəlif cərəyana mənsub yazarlar bir qrupda toplaşıb ədəbi diskussiyalar aparırlar, sağlam müzakirələr keçirilir. Amma Azərbaycanda vəziyyət tamam fərqlidir. Azərbaycan Yazıçılar Birliyi sağlam düşüncəyə qarşıdır, bu təşkilat həmişə demokratik prinsiplərə qarşı çıxıb. Son olaraq dostumuz Şərif Ağayarın bu təşkilatdan xaric edilməsi bir daha sübut etdi ki, Yazıçılar Birliyi öz ənənəsinə sadiqdir.

- Oxucular üçün yazırsınız yoxsa ədəbiyyatçılar üçün?

- Hər halda istərdim ki, yazdıqlarım ədəbiyyat üçün olsun. Bunu zaman təyin edəcək.

- Bir müsahibənizdə keçici populyarlıq adını hallandırmısınız. Sizcə ədəbi məkanda əbədi populyarlıq qazanmaq mümkündürmü və bunu hansı üslub və janrlarla həyata keçirmək olar?

- İndi ədəbiyyat da sanki şoulaşıb. Gərək nəsə bir qalmaqal yaradasan ki, müvəqqəti də olsa, populyarlıq qazanasan. Bu qalmaqal sayəsində kimlərsə sənin varlığından xəbər tutsun. Bu, çox faciəvi bir haldır. O mənada demişəm. Amma mənim fikrimcə, yazıçı öz əsəriylə populyarlıq qazanmalıdır, qazana bilmirsə, deməli, insanların düşüncəsində çox ciddi problemlər var. Ədəbiyyat oxumayan xalq heç vaxt inkişaf edə bilməz. /publika.az/

Yenililklər
27.11.20
Elnarə Qaragözova- Kamal Abdullanın postmodern nəsrində oxşar obrazı
27.11.20
Vilayət Quliyev - Kəndimizin erməniləri
27.11.20
Təranə Vahid - Qorxu çiçəkləri
27.11.20
Mərahim Nəsib - Səni də dəyişən noyabr oldu
24.11.20
Qulu Ağsəs - Ağ alınlı qızılı atların vətəni
24.11.20
“Xaqani Şirvani həyatı və yaradıcılığı” kitabı çap olunub
17.11.20
Ermənilərin alban məbədlərinə iddialarının əsas səbəbləri nədir?
17.11.20
Professor Şamil Salmanovun seçilmiş əsərləri nəşr olunub
17.11.20
Hüseyn Cavidin “Knyaz” faciəsi ilk dəfə ayrıca kitab halında nəşr olunub
17.11.20
Beynəlxalq və yerli ekspertlər Şuşaya səfər edəcəklər
17.11.20
Mədəniyyət Nazirliyinin əməkdaşları işğaldan azad edilmiş torpaqlara təhkim olunub
17.11.20
Rocer Fritsin "Maqnit insanlar" kitabı Azərbaycanda nəşr edilib
16.11.20
Gülnar Səma -  Kəndimizin könüllü şəhidi
14.11.20
Türkiyədə mühacir yazıçı və jurnalist Məmməd Sadiq Aran haqqında kitab çap olunub
14.11.20
Nadir Əzhəri: “Uçan buludlar” hekayəsində modern baxışın izləri
14.11.20
Prezident təqaüdçüsü müharibə uşaqlarına kitab həsr etdi
14.11.20
Yohannes Keskinen: “O dönəmdə Moskva yönətimi "parçala və hökm sür" siyasətini fəal bir şəkildə həyata keçirirdi”
13.11.20
Musa Yaqubdan 50 yaşlı möhtəşəm Şuşa şeiri
13.11.20
“Bəhlul” jurnalı ilk dəfə transfonelitersiya edilərək çap olunub
13.11.20
“Nobel qardaşlarının ilk uğuru” filmi ölkəmizi beynəlxalq festivalda təmsil edəcək
13.11.20
Bəstəkarlar İttifaqı “Azərbaycan bəstəkarları və musiqişünasları” layihəsi üzrə öz fəaliyyətini davam etdirir
13.11.20
TÜRKSOY-un Baş katibi: "Türk aləminin mədəniyyət xadimlərinin səsləri Şuşadan dünyaya yayılacaq"
13.11.20
Nailə Adilqızı - Ucalsın göylərə bu haqq səsimiz
12.11.20
Səadət Kərimi: “Biz birləşib, güclü və qətiyyətli olanda Tehranın da, Kremlin də polemikası dəyişir”
12.11.20
Şuşanın Tarixi Mərkəzi dünya irsi elan edilməsinə layiqdir
12.11.20
Azərbaycan ərazisində xristian dini mirasının qorunmasını daim diqqətdə saxlayacağıq
23.10.20
Fərid Hüseynin yeni kitabı çap olunub
23.10.20
Rövşən Xasayoğlu - Azərbaycan, gözün aydın...
20.10.20

Azərbaycanın dörd yazıçısının əsəri Fransada çap olunub

15.10.20
“The Role of the Personality in History” adlı VIII Uluslararası Sempozyuma davet
23.09.20
“Sufi və şeir – Osmanlı təsəvvüf şeirinin poetikası” kitabı Azərbaycan dilində nəşr olunub
23.09.20
Nobel mükafatları bu il ənənəvi qaydada təqdim edilməyəcək
23.09.20
Komiks müsabiqəsi üçün müraciətlər açıq elan edilib
23.09.20
Qazaxıstanda Əbdürrəhim bəy Haqverdiyev və Üzeyir Hacıbəyliyə həsr edilən beynəlxalq konfrans keçiriləcək
23.09.20
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.20
Azad Qaradərəlinin kitabı rus dilidə çap olunub
22.09.20
“Mədəniyyət/Culture” jurnalının növbəti nömrəsi işıq üzü görüb
22.09.20
A.P.Çexovun Yaltadakı ev muzeyindən reportaj
21.09.20
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.20
Kənan Hacı “MÜCRÜ” ədəbiyyat dərgisinə baş redaktor təyin edildi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.