Bu gün Ermənistanın paytaxtı Yerevanda, Erməni ümümmilli hərəkatı, Kilsəsinin ruhani dəstəyi ilə, uydurma genosid gününü qeyd edib. 

Uydurma tədbirdə, ənənəvi olaraq Türkiyə bayrağı da

yandırılıb. Bilmirəm təsadüfdü ya yox, bu gün Türkiyədən silahlı PKK-çılar çıxır. Kiprin yunan tərəfi ilə türk tərəfi barışmaq üçün real addımlar atır. Türkiyənin ərəb dünyasındakı yeri Osmanlı nağılından çıxıb real müstəvi də görünür. İsrail Türkiyə münasibətləri, ənənəvi Amerika haləsində tənzimlənir. Bu gün Türkiyə üçün müşkülə düşmüş bir problem var: Ermənistanın uydurma genosid iddialarının həlli problemi. Türkiyənin baş naziri Ərdoğan erməni probleminin bir başa Qarabağın işğalı ilə bağlı olduğunu söyləyir.

Türkiyədə və Azərbaycanda yüz minlərlə dinc sakini qətlə yetirmiş ermənilər tarixi saxtalaşdırmaqla hələ də nəyəsə nail olacaqlarına ümid etsələr də, gerçəklik tamam başqadır. Azərbaycan və Türkiyə diasporlarının birgə səyləri nəticəsində bu gün dünya artıq erməni iddialarının sübutsuz olduğunu anlayır. Erməni hərəkatı əslində, böyük bir siyasi ssenarinin görünən təzahürüdür. Osmanlı imperiyasının çökməsində, Sovet imperiyasının yaranmasında bir oyuncaq kimi istifadə olunan ermənilərə, havadarları torpaq və dövlət verdilər. Onlara tarix və var olmalarında siyasi səbəblər uydurdular. Bu qüvvələr hər şeyi düzgün düşünsələr də, bircə işi hesablamamışdılar: Azərbaycan xalqının haçansa bir müstəqil dövlət kontekstində Türkiyənin erməni məsələsində yanında olacağını. Lorens Araviyski bölgəni böləndə əlbəttə ki, Azərbaycanı bir müstəqil ərazi kimi düşünmürdü. Bu gün iqtisadi baxımdan güclənmiş Azərbaycan bölgədə söz və güc sahibi olmaqla Siyasi texnoloqlara bir daha öz yazılarına baxmaq mesajını verir. İran Ermənistanı dünyanın iqtisadi gerçəkliyindən təcrid olunduğu üçün dəstəkləyir. Rusiya Ermənistandan bir neçə iqtisadi projeyə basqı kimi istifadə edir.

Bu gün Qarabağ müşkülü olmasaydı, Azərbaycan-İran, Azərbaycan-Rusiya münasibətləri tamam başqa müstəvidə müzakirə olunacaqdı. Bu mənada Ermənistan həm də Qərbin əlində oyuncaqdır. Bir sözlə, Ermənistan dövlət deyil. Ermənistan bir siyasi layihədir. Bu layihəni yazıblar və icra edirlər. Və bu layihədən ən çox əziyyət çəkən də elə erməni xalqıdır. Bir xalq nə qədər xəstə təxəyyüllə bizi genosid eləyiblər deyər. Siz nağıl gerçəkliyində olan bu xalqın psixoloji vəziyyətini düşünə bilirsizmi? Azərbaycan isə real olaraq güclənir. Ordusu, müttəfiqləri var. Özü silah istehsal edir. Qarabağ məsələsinin həlli ancaq vaxt söhbətidir. Azərbaycan həqiqətləri artıq bir çox dünya dövlətləri tərəfindən qəbul olunur. Mitinq keçirtməklə, bayraq yandırmaqla, dünyanı emosional tərzdə yumşaltmaqla, yalanla artıq siyasət qurulmur.

Dünya praqmatik bir gerçəklikdə, gücün və pulun havasında fırlanır. Bu müstəvidə isə bizi, özləri özlərini iki əsr genosid etmiş ermənilərlə müqayisə etmək olmur. Bizim bir dövlət olaraq bugünkü varlığımız, siyasi texnoloqları bölgə siyasətində korrektələr etməyə məcbur edir. Nağıl ilə gerçəkliyin fərqi budur ki, nağıl haçansa bitir. Gerçəklik isə əbədidir, cənablar, azərbaycanlıların Azərbaycanı kimi. /aznews.az/