****

Dünən də beləydi ,
bu günün sənə olan həsrətini yaşayırdım...
Dilimdəki nəğmələr,
gözlərimdəki yaşlar da
bu həsrətin nişanəsi idi …
Bu bədən - bu əl, bu barmaqlar,
adını pıçıldayan dodaqlar
həsrət idi sənə...
Yatağımda xəyallarının gətirəcyi istiliyin
soyuqluğundan üşümüşdüm dünən..
Bu gün də eləcə...
Yastığımın da həsrət qaldığı sənə
toxuna bilmirəm.
Mən sənə əski əlifba ilə
yazılmış məktubam,
oxuna bilmirəm...

****

Xatırlamıram səni,
görmədim heç,
tanımıram səni.
Güya səninlə gəzmişəm
bu küçələri.
Hardan uydururlar bu yalanları
bilmirəm ki?!
Mən səni tanımıram!
Mən bir az sənə bənzəyən,
lakin daha vəfalı
birini xatırlayıram-
köhnə sevgilimi...

****

Hər yağış damlasında sən varsan…
Pəncərəmin önündə oturub,
payızın ilk yağışını izləyirəm…
Çox darıxmışdım
yağışın səsi
və
yağışlı xatirələr üçün...
Hər yağış damlası ilə
xəyallarım da böyüyür...
Və hər yağış damlası
səni mənə gətirir,
məni də sənə ...
Birdə hər yağış damlasında
sən varsan,
bunu bilirdinmi...
Yanımda olsaydın
birlikdə izləyərdik yağışı...
Bilirəm, sən də sevirsən yağışı...
Bu yağan yağışla
mən də yağdım xəyalına ...

****

Bəzilər gedər…
Həyatdı....
Oturub saatlarca
ağlamağına
səbəb olmuş
hadisələr,
bir müddət sonra
sadəcə
gözlərinin dolmasına
səbəb ola bilər…
Küçədə yanından
keçən birinin ətri…
Başqasının səsini
ona bənzətmək...
Onunla
dinlədiyiniz mahnılar. ..
Bərabər
getdiyiniz yerlər...
" Unutdum " deyirsən artıq
ətrafındakılara …
Sən kimi aldadırsan?
O qədər asandır unutmaq ?
Hər " Unutdum "
cümləsinin altında
" Çox darıxıram, unutmadım…"
cümləsi var…
Bütün gücünlə
qışqırmaq istəyirsən...
O başqa qollarda
dinclik tapmışkən
sən onun
sevinciylə kifayətlənməyə
çαlışırsan…
Sonra bilmədən
bir başqa dünya
yaradırsan özünə.
Və onu başqasıyla gördüyün,
eşitdiyin hər saniyə
dünyan başına yıxılır.
Yenidən,
yorulmadan
təkrar
yaradırsan dünyanızı.
Öz əllərinlə yıx
son dəfə
o dünyayı…
Bu dəfə
onun üçün
darıxdığını deyil,
güclü olduğunu
qışqır
gerçək dünyaya…
Bacarmırsan?- Sadəcə darıxırsan?!

****

"Qara şəhər" silsiləsindən... Vaqif Səmədoğluna ithaf

Bu şəhər
bu gecə
vurulmalıdır.
Yoxsa
vuracaq
bu şəhər
səni…
Sonra
sən
olmayacaqsan…
Bu şəhərdə
kimlərisə
sevəcəksən,
kimlərisə
itirəcəksən…
İtirdikcə də
küsəcəksən
bu şəhərdən…
Bu şəhər
bu gecə
vurulmalıdır.
Yoxsa
vuracaq
səni
bu şəhər…
Sonra
sən
olmayacaqsan…