Adaşım Doç. Dr. Tamilla Əliyeva ilə 2016-cı ilin mart ayında, Şanlı Urfada xalq bilimi simpoziyumunda göruşdük. Tamilla xanıməfəndi Gürcustandakı Azərbaycan türklərindəndir. Qədim Azərbaycan toprağı olan Borçalı elinin soylu-köklu ailəsinin qızıdır. Bakida Slavyan (Sovet dönəmində universitin adı Rus Dili və Ədəbiyyatı İnistutu idi) universitesini bitirmiş, yüksək balla məzun olduğu ücün Elmi Şuranın qərarı ilə assistent olaraq universitdə saxlanılmışdır. Aspiranturanı uğurla bitirmiş, doktorantura təhsili alıb, sonra isə dosent olmuşdur. Daha sonra Ardahan Universitesindən dəvət almış, orada calışmağa başlamışdır. Yaxın vaxtlarda Prof. Dr. ünvanını alacaqdır.

Tamilla xanımın yenicə çapdan çıxdığı “Qafqaz müharibəsi rus ədəbiyyatında” adlı əsəri haqqında bir neçə söz yazmaq istəyirəm. Bu sanballı əsər ağır zəhmətin nəticəsi olaraq araya-ərsəyə gəlmişdir. Postmodernist ədəbiyatın yeni, amma güclu qolu olan komparavistika – müqaisəli, yəni qarşılaşdırmalı ədəbiyyata bir töhfə olaraq yazılan bu əsər çox ciddi bir mövzunu əhatə edir.  Hətta deyərdim ki, bu mövzu ədəbi əlaqələr baxımından ədəbiyyatımızda hadisə yaradacaq bir əsərdir. Əsər tarix elminə də müəyyən qədər işıq tutacaqdır. Yəni tarixçilər üçün də önəmli əsərdir. Doç. Dr. Tamilla Əliyevanı ədəbiyyat elmimizə, xüsusən də, müqaisəli ədəbiyyata verdiyi bu sanballı əsər üçün təbrik edirəm, uğurlar arzulayıram. İnanıram ki, Tamilla xanım Rus ve Türk ədəbiyyatının ədəbi əlaqələri mövzusunda hele cox dəyərli, önəmli və aktual layihələrə imza atacaqdır. Yolun açıq olsun Tamilla hoca.