Sən mənim seçki qutumdun,
Şüşə kimi şəffaf,
İnanacaq qədər saf,
Yad əllərdən gizli, möhürlü...
Mən səni seçmişdim...
Beşillik yox, ömürlük...
Vəkilimdin,
görmək istədiyim şəklimdin
Poster kimi asılmışdın ürəyimdən...
Sən mənim seçki qutumdun,
Günəş atdım, ay çıxdı,
Sevgi atdım, zay çıxdı.
Polis bölməsində təmsilçisini gəzən namizəd kimi
Yıxdı məni ümidlərim...
Sən indi məntəqə sədri qədər amansız, saxtakar
Mən indi seçkidən sonrakı buklet kimi
Ziyansız, naçar...
Zibil qutususan indi,
Arzularımı tullayıram saymadan...