Yazının ad tanımı bir az kobud səslənsə də, diqqətlə düşünəndə yazının məğzindən hər bir tanrı bəndəsi hali olur. Məsələyə bir başa yanaşdığımdan alayı həngamə çıxarmadan hücuma keçirəm mətləbə.

Bir neçə gün bundan əqdəm toya getmək məcburiyyətində qaldım. Toylardan zəndeyi zəhləm getsə də, adamın üstündə o boyda gözəgörünməz var, gərək düz danışasan. Toya söz ola bilməzdi. Həqiqətən də kişi nə boyda xərcə düşüb, toy çaldırmışdı. Bunlar öz qaydasında. Demək istdədiklərim ordakı qız-gəlinlərdəndir. Anam-bacım olsunlar! 

Sözümün canı qız-gəlinlərimizin bəzənməsindəndir. İnsan nə qədər daş-qaş taxar, ənlik-kirşan yaxar. Elə bil toya yox, bəzənmə yarışına gəlmişdilər. Gəlin onların yanında toya getməli idi. Kosmetalogiya tarixində Azərbaycan toylarındakı qədər rekord bəlkə də hec vaxt olmayacaq. 

Məsələn, bir dəfə iş yoldaşımızn toyunda mən hər gün gördüyüm xanımı nə illah elədimsə tanıya bilmədim. 

Düzdür bineyi-qədimdən sürmədən tutmuş “pudra”ya qədər bütün gözəlləşdirici (?) vasitələr qadınların istifadəsində olub və bu da təbiidir. Bunu hamı bilir. Bəzənməyə qarşı çıxmaq üçün oxucuların fikrini cəm etmirəm. Məsələ bunda da deyil. 

Mən hələ də anlaya bilmrəm ki, axi nəyə görə məhz toya-bayrama gedəndə qadınlar bəzənmə yarışnına çıxır. Mətbəxdə bozbaş bişirən, dovğa bullayan, evində ailəsi ilə birlikdə olan qadını sürməli, boyalı kim görüb? Kim buna şahid olubsa desin? 

Niyə qadın evə girəndə yox, evdən çıxanda boyalı-bəzəkli çıxır. Bəyəm evdə onu gözləyən binəva Ağaverdi bu gözəlliyin tamaşasında durmağa layiq deyilmi?

Qayıdaq toy məsələsinə. Bəzənib kimisə xoşuna getmək, görüntü yaratmaq axı nəyə lazımdır? Bir mənə de görüm ay Qaranisə nəyə görə iki ayağnın bir dikdabana dirəyib deyirsən ki, filankəsin toyunda Sarınısəni bəyəndilər mən qaldım. Hökmən Allahqulunun saqızını oğurlayıb xoşuna getməlisən. Olmazım binəva Allahqulu səni özü görüb, özü bəyənə?

Bəzi qadınların süni və görüntü üçün yaşadığını da düşünürüəm. Buna əsas verən faktlar da var. Saç düzümü, geyimi hətta səs tonu da çəmiyyətə hesablanan zərif məxluqatlar heç də az deyil.

Ela qadın var ki, cəsarətli addım atmaq istəsə də el qınağı kimi məişət səviyyəli “Çin səddi” ilə üzləşir. Donunu qısaltmaq istəyir, ama qonum-qonşu dedi qodusundan ehtiyyatlanır. Toy və məclislərdə spirtli içki ürəyindən keçir, amma bu arzusunun üstünə mentalitet yekə bir daş salır. 

Bu xüsusən seks məsələlərində özünü daha qabarıq göstərir. Həyat yoldaşının intim münasibətindən qane olmayan qadın alternativ addım ataraq özunə daha yaxşı tərəfdar tapıb dünyanın ən gözəl hissinin dadını çıxarsa da bundan yalnız tanrının xəbəri olur. 

Çox uzatdım, nə isə...

Mətləbdən uzaq düşdüm deyəsn. Toya bəzənib gedən, kiminsə xoşuna getmək ehtimalları ilə yaşayan qadınlara nifrət edirəm. Kimisə “ələ keçirmək”, yaraşıqlı “ər tutmaq”, imkanlı oğlandan “yapışmaq” arzularından uzağa getməyən qadınlara yalnız nifrət hissləri düşsə də, toydan “toy tutmaq” da asan deyil...